ಎಸ್‌ಬಿಐ ನಷ್ಟ ₹ 1,887 ಕೋಟಿ

2016-17ನೇ ಆರ್ಥಿಕ ವರ್ಷದ ಇದೇ ಅವಧಿಯಲ್ಲಿ ₹ 2,152 ಕೋಟಿ ನಿವ್ವಳ ಲಾಭ ಗಳಿಸಿತ್ತು.

ವಸೂಲಿಯಾಗದ ಸಾಲದ (ಎನ್‌ಪಿಎ) ಪ್ರಮಾಣ ಗರಿಷ್ಠ ಮಟ್ಟದಲ್ಲಿ ಇರುವುದು (ಶೇ 5.61) ಹಾಗೂ ಭವಿಷ್ಯದಲ್ಲಿ ಎದುರಾಗಬಹುದಾದ ಆರ್ಥಿಕ ನಷ್ಟ ಭರಿಸಲು ತೆಗೆದಿರಿಸುವ ಮೊತ್ತದಲ್ಲಿಯೂ ಭಾರಿ ಏರಿಕೆ ಕಂಡಿರುವುದರಿಂದ ನಷ್ಟ ಕಾಣುವಂತಾಗಿದೆ ಎಂದು ತಿಳಿಸಿದೆ.

ಮೌಲ್ಯದ ಲೆಕ್ಕದಲ್ಲಿ ವಸೂಲಾಗದ ಸಾಲ ₹ 61,430  ಕೋಟಿಯಿಂದ ₹ 1.02 ಲಕ್ಷ ಕೋಟಿಗೆ ಭಾರಿ ಏರಿಕೆ ಕಂಡಿದೆ.  ತೆರಿಗೆ ರಹಿತ ವರಮಾನ ಶೇ 29.75 ರಷ್ಟು ಇಳಿಕೆ ಕಂಡಿದ್ದು, ₹ 11,507 ಕೋಟಿಗಳಿಂದ ₹ 8,084 ಕೋಟಿಗಳಿಗೆ ತಗ್ಗಿದೆ. ಶುಲ್ಕ ರಹಿತ ವರಮಾನ ಶೇ 18.38 ರಷ್ಟು ಕಡಿಮೆ ಆಗಿದ್ದು, ₹ 14,401 ಕೋಟಿಗಳಿಂದ ₹ 11,755 ಕೋಟಿಗೆ ಇಳಿಕೆ ಕಂಡಿದೆ. ಶುಲ್ಕದಿಂದ ಬಂದಿರುವ ವರಮಾನ ₹ 4,710 ಕೋಟಿಗಳಿಂದ ₹ 4,979 ಕೋಟಿಗೆ ಶೇ 5.71 ರಷ್ಟು ಹೆಚ್ಚಾಗಿದೆ.