ಅಜಯ್ ದೇವ್‌ಗನ್ ಅಪ್ಪ, ಬಾಲಿವುಡ್ ಸಾಹಸ ನಿರ್ದೇಶಕ ವೀರೂ ದೇವ್‌ಗನ್ ನಿಧನ 

ಮಿಡ್ ಡೇ ಪತ್ರಿಕಾ ವರದಿ ಪ್ರಕಾರ ವೀರೂ ಅವರು ಸಾಂತಾಕ್ರೂಜ್‌ನ ಸೂರ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಸಂಜೆ 6 ಗಂಟೆಗೆ ವಿಲೆ ಪಾರ್ಲೆ ಸ್ಮಶಾನದಲ್ಲಿ ಅಂತ್ಯ ಸಂಸ್ಕಾರ ನಡೆಯಲಿದೆ.

ಲಾಲ್ ಬಾದ್‌ಶಾ, ಇಷ್ಕ್ ಸೇರಿದಂತೆ ವೀರೂ 80 ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ. 1999ರಲ್ಲಿ ಅಮಿತಾಬ್ ಬಚ್ಚನ್ ,ಅಜಯ್ ಮತ್ತು ಮನೀಶಾ ಕೊಯಿರಾಲಾ ಅಭಿನಯಿಸಿದ್ದ ಹಿಂದೂಸ್ತಾನ್ ಕೀ ಕಸಮ್ ಚಿತ್ರವನ್ನು ವೀರೂ ನಿರ್ದೇಶಿಸಿದ್ದರು.