ತಮಿಳಿನ ದಳಪತಿ ವಿಜಯ್ ನಟನೆಯ 65ನೇ ಸಿನಿಮಾಕ್ಕೆ ಎ.ಆರ್. ಮುರುಗದಾಸ್ ಆ್ಯಕ್ಷನ್ ಕಟ್ ಹೇಳುತ್ತಿರುವುದು ಹೊಸ ಸುದ್ದಿಯೇನಲ್ಲ. ಈಗಾಗಲೇ, ಈ ಚಿತ್ರದ ಪ್ರೀ ಪ್ರೊಡಕ್ಷನ್ ಕೆಲಸಗಳು ಶುರುವಾಗಿವೆ. ‘ತುಪಾಕಿ’, ‘ಕಥಿ’ ಮತ್ತು ‘ಸರ್ಕಾರ್’ ಚಿತ್ರಗಳ ಬಳಿಕ ಈ ಹೊಸ ಸಿನಿಮಾದಲ್ಲಿ ಮತ್ತೆ ವಿಜಯ್ ಮತ್ತು ಮುರುಗದಾಸ್ ಜೋಡಿ ಒಂದಾಗುತ್ತಿದೆ. ಈ ಮೂರು ಸಿನಿಮಾಗಳು ಗಲ್ಲಾಪೆಟ್ಟಿಗೆಯಲ್ಲಿ ಒಳ್ಳೆಯ ಫಸಲು ತೆಗೆದಿದ್ದವು. ಈ ಹೊಸ ಚಿತ್ರವು 2012ರಲ್ಲಿ ತೆರೆಕಂಡ ‘ತುಪಾಕಿ’ ಚಿತ್ರದ ಸೀಕ್ವೆಲ್ ಎಂಬ ಗಾಳಿಸುದ್ದಿಯೂ ಹಬ್ಬಿತ್ತು. ಕೊನೆಗೆ, ಛಾಯಾಗ್ರಾಹಕ ಸಂತೋಷ್ ಶಿವನ್ ಇದನ್ನು ಅಲ್ಲಗೆಳೆದಿದ್ದರು.