ಕನ್ನಡದ ಹುಡುಗಿ ನಟಿ ಅನುಷ್ಕಾ ಶೆಟ್ಟಿ ಟಾಲಿವುಡ್ನಲ್ಲಿ ಸ್ಟಾರ್ ನಟಿ. ಹಲವು ಯಶಸ್ವಿ ಚಿತ್ರಗಳಲ್ಲಿ ನಟಿಸುವ ಮೂಲಕ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿರುವ ಆಕೆ ತುಂಬಾ ಸರಳವಾಗಿರುತ್ತಾರೆ. ಇತ್ತೀಚೆಗೆ ಇವರು ಆಂಧ್ರಪ್ರದೇಶದ ಪಶ್ಚಿಮ ಗೋದಾವರಿಯ ಪೋಲಾವರಂನಲ್ಲಿರುವ ಶ್ರೀ ವೀರಭದ್ರ ಸ್ವಾಮಿ ದೇವಾಲಯಕ್ಕೆ ಭೇಟಿ ನೀಡಿದ್ದರು. ತನ್ನ ಸ್ನೇಹಿತೆಯ ಜೊತೆ ಬೋಟ್ನಲ್ಲಿ ಸಾಮಾನ್ಯರಂತೆ ಪ್ರಯಾಣ ಮಾಡಿದ್ದರು ಅನುಷ್ಕಾ. ಖ್ಯಾತ ವಸ್ತ್ರ ವಿನ್ಯಾಸಕಿ ಪ್ರಶಾಂತಿ ತಿರ್ಪಿನೇನಿ ಅನುಷ್ಕಾಗೆ ಜೊತೆಯಾಗಿದ್ದರು. ತಮ್ಮ ಪ್ರಯಾಣದ ವೇಳೆ ಅನುಷ್ಕಾ ಮಾಸ್ಕ್ ಧರಿಸಿದ್ದ ಕಾರಣ ಯಾರೂ ಆಕೆಯನ್ನು ಗುರುತಿಸಿರಲಿಲ್ಲ.