ಆಶಾಭೋಸ್ಲೆ ಬಗ್ಗೆ ಹೆಚ್ಚು ಜನರಿಗೆ ತಿಳಿಯದ 5 ವಿಶಿಷ್ಟ ವಿಷಯಗಳು

ಪ್ರಸಿದ್ಧ ಗಾಯಕಿ ಆಶಾ ಭೋಸ್ಲೆ ರಷ್ಯನ್, ಮಲಯ, ಇಂಗ್ಲಿಷ್, ಜೆಕ್ ಮತ್ತು ನೇಪಾಳಿ ಸೇರಿದಂತೆ 20ಕ್ಕೂ ಹೆಚ್ಚು ಭಾಷೆಗಳಲ್ಲಿ ಹಾಡುಗಳಿಗೆ ಧ್ವನಿ ನೀಡಿದ್ದಾರೆ.

ಗ್ರ್ಯಾಮಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡ ಮೊದಲ ಭಾರತೀಯ ಗಾಯಕಿ. 1997 ಮತ್ತು 2006ರಲ್ಲಿ ಎರಡು ಬಾರಿ ನಾಮನಿರ್ದೇಶನಗೊಂಡಿದ್ದರು.

12,000ಕ್ಕೂ ಹೆಚ್ಚು ಏಕವ್ಯಕ್ತಿ, ಯುಗಳ ಮತ್ತು ಕೋರಸ್ ಬೆಂಬಲಿತ ಹಾಡುಗಳನ್ನು ಹಾಡಿ ದಾಖಲೆ ಬರೆದಿದ್ದಾರೆ.

ಖ್ಯಾತ ಗಾಯಕಿ ಆಶಾ ಭೋಸ್ಲೆ ಹೋಟೆಲ್ ಉದ್ಯಮದಲ್ಲೂ ತೊಡಗಿಸಿಕೊಂಡಿದ್ದರು. 2002ರಲ್ಲಿ ಕಲೆ, ಸಂಗೀತ ಮತ್ತು ಆಹಾರದ ಮಿಶ್ರಣವನ್ನು ಒಳಗೊಂಡ ಅಂತರರಾಷ್ಟ್ರೀಯ ಪ್ರಶಸ್ತಿ ವಿಜೇತ ಆಶಾಸ್ ಎಂಬ ಫೈನ್-ಡೈನಿಂಗ್ ರೆಸ್ಟೋರೆಂಟ್ ಸರಪಳಿಯನ್ನು ಸ್ಥಾಪಿಸಿದ್ದರು.

ಆಶಾ ಭೋಸ್ಲೆ ಎರಡು ಬಾರಿ ವಿವಾಹವಾಗಿದ್ದರು. 16ನೇ ವಯಸ್ಸಿನಲ್ಲೇ ತಮ್ಮ ಕುಟುಂಬದ ಇಚ್ಛೆಗೆ ವಿರುದ್ಧವಾಗಿ 31 ವರ್ಷದ ಗಣಪತ್ ರಾವ್ ಭೋಸ್ಲೆ ಅವರನ್ನು ವಿವಾಹವಾಗಿದ್ದರು. ಪತಿ ಮತ್ತು ಅವರ ಕುಟುಂಬದ ವಿರುದ್ಧ ಕೌಟುಂಬಿಕ ಹಿಂಸಾಚಾರದ ಆರೋಪ ಮಾಡಿದ್ದ ಆಶಾ, 1960ರಲ್ಲಿ ಸಂಬಂಧ ಮುರಿದುಕೊಂಡಿದ್ದರು. 1980ರಲ್ಲಿ ಪ್ರಸಿದ್ಧ ಸಂಗೀತ ಸಂಯೋಜಕ ಆರ್.ಡಿ. ಬರ್ಮನ್ ಅವರ ಜೊತೆ ಎರಡನೇ ಮದುವೆಯಾಗಿದ್ದರು. ಸಂಗೀತ ಉದ್ಯಮದಲ್ಲಿ ಈ ಜೋಡಿಯನ್ನು ಲೆಜೆಂಡರಿ ಕಪಲ್ ಎಂದು ಪರಿಗಣಿಸಲಾಗಿತ್ತು, ಒಟ್ಟಿಗೆ ಹಲವು ಐಕಾನಿಕ್ ಮತ್ತು ಮಾಂತ್ರಿಕ ಹಾಡುಗಳಿಗೆ ಕೆಲಸ ಮಾಡಿದ್ದಾರೆ.