ಅಟ್ಲಾಸ್‌ ಸೈಕಲ್, ದೀಪಾವಳಿ ಲಾಟರಿ, ಆಶಾ ಹೊಲಿಗೆ ಯಂತ್ರ, ಸ್ನೇಕ್‌ ಸೋಮಣ್ಣನ ಥ್ರಿಲ್ಲರ್ ಕಾದಂಬರಿ ಹೀಗೆ ಹಳೆಯ ಜಾಹೀರಾತು ಮಾದರಿಗಳನ್ನು ಇಟ್ಟುಕೊಂಡೇ ವಿಶಿಷ್ಟ ಪ್ರಮೋಶನ್‌ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿ ಮಾಡುತ್ತಿದೆ ಜಯತೀರ್ಥ ನಿರ್ದೇಶನದ ಸಿನಿಮಾ ‘ಬೆಲ್‌ ಬಾಟಂ’. ಟಿ.ಕೆ. ದಯಾನಂದ ಈ ಚಿತ್ರಕ್ಕೆ ಕಥೆ ಬರೆದಿದ್ದಾರೆ. ಪತ್ತೆದಾರಿ ಕಥೆಯ ಎಳೆ ಹೊಂದಿರುವ ಈ ಸಿನಿಮಾ ಹಾಸ್ಯದ ರಸದೌತಣವನ್ನೂ ಬಡಿಸುವ ಸೂಚನೆಯನ್ನು ಟೀಸರ್‌ನಲ್ಲಿಯೇ ನೀಡಿದೆ. ‘ಏತಕೆ ಬೊಗಸೆ ತುಂಬ ಕನಸು ತುಂಬುವೆ’ ಎಂಬ ಹಾಡು ಈಗಾಗಲೇ ಕ್ರೇಜ್‌ ಹುಟ್ಟಿಸಿದೆ.
