ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಡಿಜಿಟಲ್‌ ವೇದಿಕೆಗೆ ಅಲಿ ಅಬ್ಬಾಸ್‌ನ ‘ತಾಂಡವ್‌’

Last Updated 14 ಆಗಸ್ಟ್ 2019, 20:00 IST
ಅಕ್ಷರ ಗಾತ್ರ

‘ಭಾರತ್‌’ ಸಿನಿಮಾದ ನಿರ್ದೇಶಕ ಅಲಿ ಅಬ್ಬಾಸ್‌ ಜಾಫರ್‌ ಅವರು ಡಿಜಿಟಲ್‌ ಮಾಧ್ಯಮಕ್ಕೆ ಕಾಲಿಟ್ಟಿದ್ದಾರೆ.ಸಲ್ಮಾನ್‌ ಖಾನ್‌ ನಟನೆಯ ‘ಭಾರತ್‌’ ಸಿನಿಮಾ ಒಂದೇ ವಾರದಲ್ಲಿ ನೂರು ಕೋಟಿ ಕ್ಲಬ್‌ ಸೇರಿಕೊಂಡಿತ್ತು. ಆ ಸಿನಿಮಾ ಖ್ಯಾತಿಯ ನಿರ್ದೇಶಕ ಅಲಿ ಅಬ್ಬಾಸ್‌ ಅವರು ಸದ್ಯದಲ್ಲೇ ‘ತಾಂಡವ್‌’ ಎಂಬ ವೆಬ್‌ ಸರಣಿಯೊಂದನ್ನು ನಿರ್ದೇಶನ ಮಾಡಲಿದ್ದಾರೆ.

ರಾಷ್ಟ್ರ ರಾಜಧಾನಿಯಲ್ಲಿ ನಡೆಯುವ ರಾಜಕೀಯ ಥ್ರಿಲ್ಲರ್‌ ಕತೆ ಈ ಸರಣಿಯದ್ದು. ಇದರಲ್ಲಿ ಸೈಫ್‌ ಅಲಿಖಾನ್‌ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದು, 2020ರಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಈ ವೆಬ್‌ ಸರಣಿಯ ಚಿತ್ರಕತೆ ಅಂತಿಮ ಹಂತದಲ್ಲಿದೆ. ಈ ಸರಣಿಯ ಇತರ ಪಾತ್ರಗಳ ಬಗ್ಗೆ ಮಾಹಿತಿಯನ್ನು ಚಿತ್ರತಂಡ ಹೊರಹಾಕಿಲ್ಲ.

ಇನ್ನು ಅಲಿ ಅಬ್ಬಾಸ್‌ ಅವರು ಚಿತ್ರ ನಿರ್ಮಾಣಕ್ಕೂ ಇಳಿದಿದ್ದಾರೆ. ಅನನ್ಯಾ ಪಾಂಡೆ ಹಾಗೂ ಇಶಾನ್‌ ಖಟ್ಟರ್‌ ಜೋಡಿಯಾಗಿ ನಟಿಸುತ್ತಿರುವ ಹೊಸ ರೊಮ್ಯಾಂಟಿಕ್‌ ಪ್ರೇಮಕತೆಯ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಈ ವರ್ಷಾಂತ್ಯದಲ್ಲಿ ಚಿತ್ರೀಕರಣ ಆರಂಭವಾಗಲಿದೆ. ತಮ್ಮದೇ ಹೋಮ್‌ ಪ್ರೊಡಕ್ಷನ್‌ನ ಈ ಚಿತ್ರಕ್ಕೆ ಅಲಿಯವರದೇ ಚಿತ್ರಕತೆ, ಸಂಭಾಷಣೆ.

ಅಲಿ ಅವರ ನಿರ್ದೇಶನದ ಎಲ್ಲಾ ಚಿತ್ರಗಳು ಎರಡನೇ ವಾರದಲ್ಲಿ ₹100 ಕೋಟಿ ಕ್ಲಬ್‌ ಸೇರಿದೆ. ‘ಗುಂಡೇ’, ‘ಸುಲ್ತಾನ್‌’, ‘ಟೈಗರ್‌ ಜಿಂದಾ ಹೈ’ ಸಿನಿಮಾಗಳು ಇದಕ್ಕೆ ಸಾಕ್ಷಿ. ಭಾರತ್‌ ಸಿನಿಮಾ ಸಹ ₹211 ಕೋಟಿ ಗಳಿಕೆ ಮಾಡಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT