‘ಹುಡುಗ, ಹುಡುಗಿಯರಲ್ಲಿ ಒಳ್ಳೆಯವರು– ಕೆಟ್ಟವರು ಇದ್ದೇ ಇರುತ್ತಾರೆ. ನಾಯಕ ಒಬ್ಬಳು ಹುಡುಗಿಯನ್ನು ಪ್ರೀತಿಸುತ್ತಾನೆ. ಆಕೆ ಕೈಕೊಟ್ಟಾಗ, ಎಲ್ಲರದೂ ಇದೇ ಗುಣವೆಂದು ಹೆಣ್ಣುಮಕ್ಕಳಿಂದ ದೂರ ಇರುತ್ತಾನೆ. ಒಮ್ಮೆ ಪ್ರವಾಸಕ್ಕೆಂದು ಮಲೆನಾಡಿನ ಕಡೆ ಹೋದಾಗ ಅಲ್ಲೊಬ್ಬಳು ಹುಡುಗಿಯ ಪರಿಚಯವಾಗುತ್ತದೆ. ಇವನ ನಡತೆ ಕಂಡು ಆಕೆ ಇವನನ್ನು ಪ್ರೀತಿಸಲು ಶುರು ಮಾಡುತ್ತಾಳೆ. ಆದರೆ ಆ ಹುಡುಗನ ಕಡೆಯಿಂದ ಸೂಕ್ತ ಸ್ಪಂದನೆ ಸಿಗುವುದಿಲ್ಲ. ಆಕೆಯ ಪ್ರೀತಿಗೆ ಜಯ ಸಿಗುತ್ತದಾ ಎಂಬುದು ಚಿತ್ರದ ಸಾರಾಂಶ’ ಎಂದು ಸಿನಿಮಾ ತಂಡ ಹೇಳಿದೆ.