ಈ ಚಿತ್ರದ ಹಾಡುಗಳ ಬಿಡುಗಡೆ ಕಾರ್ಯಕ್ರಮ ಬೆಂಗಳೂರಿನಲ್ಲಿ ನಡೆಯಿತು. ‘ಇದು ಕಳರಿಪಯಟ್ಟು ಆಧಾರಿತ ಸಿನಿಮಾ. ಒಬ್ಬಳು ಹೆಣ್ಣುಮಗಳಿಗೆ ಇತರ ಹೆಣ್ಣುಮಕ್ಕಳಿಗೆ ಇರುವಂತೆಯೇ ಕನಸುಗಳು ಇರುತ್ತವೆ. ಆದರೆ ಜೀವನ ಅವಳಿಗೆ ಒಂದಿಷ್ಟು ಸವಾಲುಗಳನ್ನು ತಂದೊಡ್ಡುತ್ತದೆ. ಇದು ಆಕೆಯ ಮೇಲೆ ಯಾವ ಪರಿಣಾಮ ಬೀರುತ್ತದೆ, ಅವಳು ಕಳರಿ ಕಲೆಯ ಸಹಾಯದಿಂದ ಆ ಸವಾಲುಗಳನ್ನು ಹೇಗೆ ನಿಭಾಯಿಸುತ್ತಾಳೆ ಎಂಬುದು ಚಿತ್ರದ ಕಥೆ’ ಎಂದರು ಮುಖ್ಯ ಪಾತ್ರ ನಿಭಾಯಿಸಿರುವ ಉಪಾಸನಾ.
