ಧನುಷ್ ಮೂರನೇ ಹಿಂದಿ ಚಿತ್ರದಲ್ಲಿ ಅಭಿನಯಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಸೋನಂಕಪೂರ್ಗೆ ಜೋಡಿಯಾಗಿ ನಟಿಸಿದ್ದ ಧನುಷ್ ಅವರ ಮೊದಲ ಹಿಂದಿ ಚಿತ್ರ ‘ರಾಂಜಣ’ ಯಶಸ್ಸು ಗಳಿಸಿತ್ತು. ಈ ಸಿನಿಮಾ ಜೂನ್ 21ರಂದು ತೆರೆ ಕಂಡಿತ್ತು. ತಮಾಷೆಯೆಂದರೆ ಧನುಷ್ ಅವರ ಮೊದಲ ಹಾಲಿವುಡ್ ಸಿನಿಮಾ ಕೂಡಾ ಜೂನ್ 21ರಂದೇ ತೆರೆ ಕಾಣುತ್ತಿದೆ. ಈ ನಡುವೆ ಧನುಷ್ ತಮ್ಮ ಮಗ ಜೂನ್ 21ರಂದು ಜನಿಸಿರುವುದಾಗಿ ಹೇಳಿಕೊಂಡಿದ್ದಾರೆ. ಒಟ್ಟಿನಲ್ಲಿ ಧನುಷ್ ಪಾಲಿಗೆ ಜೂನ್ 21 ಅದೃಷ್ಟದ ದಿನವೆನ್ನಲು ಅಡ್ಡಿಯಿಲ್ಲ.
