ಎಲ್ಲಾ ದಾಖಲೆಗಳನ್ನು ಮುರಿಯಲಿದೆ ‘ಧುರಂಧರ್–2’: ಸಿನಿ ವಿಮರ್ಶಕರ ನಿರೀಕ್ಷೆಗಳೇನು?

ಮುಂಬೈ: ಕಳೆದ ವರ್ಷದ ಅಂತ್ಯದಲ್ಲಿ ಬಿಡುಗಡೆಗೊಂಡು ಅಭೂತಪೂರ್ವ ಯಶಸ್ಸು ಸಾಧಿಸಿದ್ದ ಆದಿತ್ಯ ಧರ್ ನಿರ್ದೇಶನದ, ರಣವೀರ್ ನಟನೆಯ ‘ಧುರಂಧರ್’ ಚಿತ್ರದ ಎರಡನೇ ಭಾಗವು ನಾಳೆ (ಮಾರ್ಚ್ 19) ಬಿಡುಗಡೆಯಾಗಲಿದೆ.

ಈಗಾಗಲೇ ಸಿನಿಮಾದ ಪೂರ್ವವೀಕ್ಷಣೆ ಮತ್ತು ಮುಂಗಡ ಬುಕಿಂಗ್ ಮೂಲಕ ಗಮನಸೆಳೆಯುತ್ತಿದ್ದು, ಸಿನಿಮಾವು ಈ ಹಿಂದಿನ ಅನೇಕ ದಾಖಲೆಗಳನ್ನು ಮುರಿಯಲಿದೆ ಎಂದು ವಿಶ್ವಾಸ ಅನೇಕರಿಂದ ವ್ಯಕ್ತವಾಗುತ್ತಿದೆ.

ಸಿನಿಮಾದ ಪೂರ್ವವೀಕ್ಷಣೆಯು ಇಂದು (ಬುಧವಾರ) ಸಂಜೆ 5:30ಕ್ಕೆ ಪ್ರಾರಂಭವಾಗಲಿದ್ದು, ಮುಂಗಡ ಟಿಕೆಟ್ಗಳು ಬುಕ್ ಆಗಿವೆ ಹಾಗೂ ಈಗಾಗಲೇ 4 ಲಕ್ಷಕ್ಕೂ ಅಧಿಕ ಟಿಕೆಟ್ಗಳು ಮಾರಾಟವಾಗಿವೆ.

ಸಿನಿಮಾದ ಕುರಿತು ಮಾತನಾಡಿರುವ ಪಿವಿಆರ್ ಐನಾಕ್ಸ್ ಲಿಮಿಟೆಡ್ನ ಮುಖ್ಯ ವ್ಯವಹಾರ ಯೋಜನೆ ಮತ್ತು ಕಾರ್ಯತಂತ್ರ ವಿಭಾಗದ ಕಮಲ್ ಗಿಯಾನ್ಚಂದಾನಿ, ಧುರಂಧರ್ ಭಾಗ–2 ಚಿತ್ರವು ಧುರಂಧರ್ ಮೊದಲ ಭಾಗದ ದಾಖಲೆಗಳನ್ನು ಮುರಿಯಲಿದೆ. ಹಿಂದಿ ಆವೃತ್ತಿ ಒಂದರಲ್ಲೇ ಈ ಸಿನಿಮಾ ₹1000 ಕೋಟಿಗೂ ಅಧಿಕ ಗಳಿಕೆ ಮಾಡುವ ಸಾಧ್ಯತೆ ಇದೆ. ಇದರ ತಮಿಳು, ಕನ್ನಡ, ಮಲಯಾಳ ಮತ್ತು ತೆಲುಗು ಆವೃತ್ತಿಗಳು ಹೆಚ್ಚುವರಿಯಾಗಿ ₹1000 ಕೋಟಿ ಗಳಿಕೆ ಮಾಡುವ ಸಾಧ್ಯತೆ ಇದೆ’ ಎಂದಿದ್ದಾರೆ.

‘ಬಾಕ್ಸ್ ಆಫೀಸ್ ವಿಚಾರಕ್ಕೆ ಬಂದರೆ, ಬುಧವಾರ ಸಿನಿಮಾದ ಬಿಡುಗಡೆಗೂ ಪೂರ್ವ ವೀಕ್ಷಣೆಯಲ್ಲೇ ₹45 ರಿಂದ ₹50 ಕೋಟಿ ಗಳಿಕೆಯನ್ನು ನಾವು ನಿರೀಕ್ಷಿಸುತ್ತಿದ್ದೇವೆ ಎಂದಿದ್ದಾರೆ. ಅಧಿಕೃತವಾಗಿ ಗುರುವಾರ ಬಿಡುಡೆಯಾಗುವ ಈ ಸಿನಿಮಾವು ಅನೇಕ ದಾಖಲೆಗಳನ್ನು ಬರೆಯುವ ನಿರೀಕ್ಷೆ ಇದೆ ಎಂದಿದ್ದಾರೆ.

ದಾಖಲೆಗಳ ಪ್ರಕಾರ, ಬಿಡುಗಡೆಗೂ ಮುನ್ನ ವೀಕ್ಷಣೆಯಲ್ಲಿ ₹23 ಕೋಟಿ ಕಳಿಸಿರುವ ಪವನ್ ಕಲ್ಯಾಣ್ ಅವರ ‘ದಿ ಕಾಲ್ ಹಿಮ್ ಒಜಿ’ ಅಗ್ರಸ್ಥಾನದಲ್ಲಿದೆ ಹಾಗೂ ಸಕ್ನಿಲ್ಕ್ ಪ್ರಕಾರ, ಮೊದಲ ದಿನ ₹66 ಕೋಟಿ ಗಳಿಕೆ ಕಂಡ ಶಾರುಖ್ ಖಾನ್ ಅವರ ‘ಜವಾನ್’ ಚಿತ್ರವು ಬಿಡುಗಡೆಯಾದ ಮೊದಲ ದಿನ ಅತ್ಯಧಿಕ ಗಳಿಕೆ ಕಂಡ ಸಿನಿಮಾವಾಗಿದೆ.

ಧುರಂಧರ್ ಸಿನಿಮಾವು ಗಳಿಕೆಯಲ್ಲಿ ‘ಪುಷ್ಪ–2’, ‘ಸ್ತ್ರೀ 2’ ಹಾಗೂ ‘ಛಾವಾ’ ಸಿನಿಮಾಗಳನ್ನು ಹಿಂದಿಕ್ಕಿ ಅತೀ ಹೆಚ್ಚು ಕಳಿಕೆ ಕಂಡ ಹಿಂದಿ ಸಿನಿಮಾ ಎಂಬ ಹೆಗ್ಗಳಿಕೆ ಹೊಂದಿದೆ. ಇನ್ನೂ ‘ಧುರಂಧರ್’ ಮುಂದುವರೆದ ಭಾಗವು ತನ್ನದೇ ಮೊದಲ ಭಾಗದ ದಾಖಲೆಯನ್ನು ಮುರಿಯುವ ಸಾಧ್ಯತೆ ಇದೆ.

ಒಂದುವೇಳೆ ಜಿಯಾನ್ಚಂದಾನಿ ಅವರ ನಿರೀಕ್ಷೆಯಂತೆ ಧುರಂದರ್–2 ಸಿನಿಮಾವು ₹1,000 ಕೋಟಿ ಗಳಿಕೆ ಮೀರಿದರೆ, ‘ಪುಷ್ಪ 2: ದಿ ರೂಲ್’ ಮತ್ತು ‘ಬಾಹುಬಲಿ 2’ ಸಿನಿಮಾಗಳ ಸಾಲಿಗೆ ಸೇರಲಿದೆ.

ಚಿತ್ರದ ಮುಂಗಡ ಬುಕಿಂಗ್ ಕುರಿತು ಸಂತಸ ವ್ಯಕ್ತಪಡಿಸಿರುವ ಜಿಯಾನ್ಚಂದಾನಿ, ಧುರಂಧರ್–2 ಸಿನಿಮಾದ ಬಿಡುಗಡೆ ಪೂರ್ವ ವೀಕ್ಷಣೆಗೆ 10 ಲಕ್ಷಕ್ಕೂ ಅಧಿಕ ಮುಂಗಡ ಟಿಕೆಟ್ಗಳು ಬುಕಿಂಗ್ ಮಾಡಲಾಗಿದೆ ಎಂದಿದ್ದಾರೆ.

.ನಿಷೇಧವಿದ್ದರೂ ಪಾಕಿಸ್ತಾನದಲ್ಲಿ ಸಿಗುತ್ತಿದೆ ಧುರಂಧರ್ ಸಿನಿಮಾದ ನಕಲಿ ಪ್ರತಿ.Toxic Vs Dhurandhar 2|ಎರಡು ಸಂಸ್ಕೃತಿಗಳ ನಡುವಿನ ಘರ್ಷಣೆ: ರಾಮ್ ಗೋಪಾಲ್ ವರ್ಮಾ. ‘ಪಿವಿಆರ್ ಐನಾಕ್ಸ್ನಲ್ಲಿ, ಕೋವಿಡ್-19ರ ಬಳಿಕ ಈ ರೀತಿಯ ಮುಂಗಡ ಬುಕಿಂಗ್ ಅನ್ನು ನಾವು ನೋಡಿಲ್ಲ ... ಪ್ರೇಕ್ಷಕರ ಉತ್ಸಾಹ ಅದ್ಭುತವಾಗಿದೆ. ಚಿತ್ರವು ಅತ್ಯುತ್ತಮ ಆರಂಭ ಪಡೆದುಕೊಳ್ಳಲಿದೆ ಎಂಬ ಸೂಚನೆ ಸಿಕ್ಕಿದೆ. ಮಾರ್ಚ್ಗೆ ಉತ್ತಮ ಅಂತ್ಯ ಮತ್ತು ಏಪ್ರಿಲ್ಗೆ ಉತ್ತಮ ಆರಂಭವನ್ನು ನಾವು ಎದುರು ನೋಡುತ್ತಿದ್ದೇವೆ’ ಎಂದು ಅವರು ಹೇಳಿದರು.

ಮಹಾನಗರ ಕೇಂದ್ರಗಳಾದ ಮುಂಬೈ, ದೆಹಲಿ, ಬೆಂಗಳೂರು, ಹೈದರಾಬಾದ್ ಮತ್ತು ಚೆನ್ನೈಗಳಲ್ಲಿ ಅತ್ಯಧಿಕ ವೀಕ್ಷಣೆಯ ನಿರೀಕ್ಷೆ ಇದೆ. ಪುಣೆ, ಅಹಮದಾಬಾದ್, ಲಖನೌ ಮತ್ತು ಕೊಯಮತ್ತೂರು ನಗರಗಳನ್ನು ಎರಡನೇ ಶ್ರೇಣಿಯಲ್ಲಿ ಮಾರುಕಟ್ಟೆ ಪಡೆದುಕೊಂಡಿವೆ.

ಸಿನಿಮಾ ವ್ಯಾಪಾರ ವಿಶ್ಲೇಷಕ ತರಣ್ ಆದರ್ಶ್, ‘ ಧುರಂಧರ್’ ಎರಡನೇ ಭಾಗವು ಒಂದು ಅದ್ಭುತವಾಗಿ ಹೊರಹೊಮ್ಮಲಿದೆ. ಈ ಹಿಂದಿನ ಎಲ್ಲಾ ದಾಖಲೆಗಳನ್ನು ಹಿಂದಿಕ್ಕಲ್ಲಿದೆ ಎಂದಿದ್ದಾರೆ.

‘ಈ ಹಿಂದೆ ನಾನು 'ಶೋಲೆ' ಮತ್ತು 'ಬಾಹುಬಲಿ 2' ಚಿತ್ರಗಳ ಮೇಲೆ ಜನರು ಹೊಂದಿದ ಕ್ರೇಜ್ ನೋಡಿದ್ದೇನೆ. ಬಾಹುಬಲಿಯಲ್ಲಿ 'ಕಟ್ಟಪ್ಪ ಬಾಹುಬಲಿಯನ್ನು ಯಾಕೆ ಕೊಂದ? ಎಂದು ತಿಳಿದುಕೊಳ್ಳಲು ಉತ್ಸುಕರಾಗಿದ್ದರು. ಈಗ, ಧುರಂಧರ್ ಚಿತ್ರವು ಭಾರತದಲ್ಲಿ ಮಾತ್ರವಲ್ಲದೆ ವಿದೇಶಗಳಲ್ಲಿಯೂ ಸಿನಿ ಪ್ರಿಯರ ಗಮನಸೆಳೆದಿದೆ. ಇದು ತೂಫ್ಯಾನ್, ಸುನಾಮಿ. ನೀವು ಸುನಾಮಿಯನ್ನು ಹೇಗೆ ನಿಯಂತ್ರಿಸಲು ಸಾಧ್ಯ?’ ಎಂದಿದ್ದಾರೆ.

ಧುರಂಧರ್ ಚಿತ್ರದ ಮೊದಲ ಭಾಗ ಕೇವಲ ಟ್ರೇಲರ್ ಆಗಿತ್ತು. ಪಿಕ್ಚರ್ ತೋ ಅಭಿ ಬಾಕಿ ಹೈ (ಇನ್ನೂ ಉತ್ತಮ ಚಿತ್ರ ಬಾಕಿ ಇದೆ). ಎಲ್ಲಾ ದಾಖಲೆಗಳನ್ನು ಮುರಿದು, ಹೊಸ ಮೈಲಿಗಲ್ಲು ಸ್ಥಾಪಿಸಲಿದೆ. ಅಧಿಕೃತವಾಗಿ ಇಷ್ಟೇ ಗಳಿಕೆ ಕಾಣಲಿದೆ ಎಂದು ಯಾರಿಂದಲೂ ಊಹಿಸಲು ಸಾಧ್ಯವಿಲ್ಲ. ಆದರೆ, ಈ ಸಿನಿಮಾವು ಹೂಡಿಕೆದಾರರಿಗೆ ಚಿನ್ನದ ಗಣಿ ಇದ್ದಂತೆ’ ಎಂದಿದ್ದಾರೆ.

ಧುರಂಧರ್–2 ಸಿನಿಮಾವು ಮೊದಲ ದಿನ ಹಿಂದಿಯಲ್ಲಿ ₹35 ರಿಂದ ₹40 ಕೋಟಿ ಗಳಿಕೆ ಕಾಣಬಹುದು ಎಂದು ಬುಕ್ ಮೈ ಶೋ ಸಿಒಒ ಆಶಿಶ್ ಸಕ್ಸೇನಾ ಹೇಳಿದ್ದಾರೆ.

ಜ್ಯೋತಿ ದೇಶಪಾಂಡೆ ಮತ್ತು ಲೋಕೇಶ್ ಧಾರ್ ನಿರ್ಮಿಸಿದ ‘ಧುರಂಧರ್ : ದಿ ರಿವೆಂಜ್’ ಚಿತ್ರದಲ್ಲಿ ರಣವೀರ್ ಸಿಂಗ್ ಅವರು ಜಸ್ಕಿರತ್ ಸಿಂಗ್ ರಂಗಿ ಎಂಬ ಯುವಕನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಪಾಕಿಸ್ತಾನದಲ್ಲಿ ಭಾರತೀಯ ಏಜೆಂಟ್ ಆಗಿ ರಹಸ್ಯ ಭೇದಿಸುವ ಕಾರ್ಯಕರ್ತನಾಗಿರಲಿದ್ದು, ಅಲ್ಲಿ ಅಲಿ ಮಜಾರಿಯಾ ಆಗಿ ಹೆಸರು ಬದಲಿಸಿಕೊಳ್ಳುತ್ತಾನೆ.

ಧುರಂಧರ್ ಮೊದಲ ಭಾಗವನ್ನು ಹಾಡಿಹೊಗಳಿದ್ದ ನಿರ್ಮಾಪಕ ರಾಮ್ ಗೋಪಾಲ್ ವರ್ಮಾ, ಎರಡನೇ ಭಾಗಕ್ಕೂ ಅಷ್ಟೇ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

‘ಭಾರತೀಯ ಸಿನಿಮಾ ಇತಿಹಾಸದಲ್ಲಿ ಧುರಂಧರ್ 2 ಗಿಂತ ಹೆಚ್ಚು ಕುತೂಹಲದಿಂದ ಕಾಯುತ್ತಿರುವ ಮತ್ತೊಂದು ಚಿತ್ರವಿಲ್ಲ. ಒಂದೇ ದಿನದಲ್ಲಿ ₹120 ಕೋಟಿಗೂ ಅಧಿಕ ಗಳಿಸಿದರೂ ನನಗೆ ಆಶ್ಚರ್ಯವಾಗುವುದಿಲ್ಲ... ಚಿತ್ರವು ದೀರ್ಘಾವಧಿಯ ಪ್ರದರ್ಶನ ಹೊಂದಿದೆ. ಇದು ಪ್ರದರ್ಶನಗಳ ಸಂಖ್ಯೆಯನ್ನು ಕಡಿಮೆ ಮಾಡಬಹುದು. ಆದರೆ ಇದು ಚಿತ್ರಮಂದಿರಗಳಲ್ಲಿ ದೀರ್ಘಕಾಲ ಓಡುವ ನಿರೀಕ್ಷೆ ಇದೆ. ಹಾಗಾಗಿ, ಅದು ಹೆಚ್ಚಿನ ವ್ಯತ್ಯಾಸ ಉಂಟು ಮಾಡುವುದಿಲ್ಲ’ ಎಂದು ಅವರು ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಲ್ಲಾ ದಾಖಲೆಗಳನ್ನು ಮುರಿಯಲಿದೆ ‘ಧುರಂಧರ್–2’: ಸಿನಿ ವಿಮರ್ಶಕರ ನಿರೀಕ್ಷೆಗಳೇನು?

ಚಿನಕುರುಳಿ ಕಾರ್ಟೂನು: ಸೋಮವಾರ, 13 ಏಪ್ರಿಲ್ 2026

ಗುಂಡಣ್ಣ ಕಾರ್ಟೂನು: ಸೋಮವಾರ 13 ಏ‍ಪ್ರಿಲ್ 2026

ಸುದ್ದಿ ಗುದ್ದು | ತಿಂಗಳೇಶ: ಸೋಮವಾರ, 13 ಏಪ್ರಿಲ್ 2026

ಚುರುಮುರಿ: ಪಟ್ಟಕ್ಕೆ ಕುತ್ತು

IPL 2026: ಉತ್ಸಾಹಿ ಕಿಂಗ್ಸ್‌, ಹತಾಶ ಕೆಕೆಆರ್‌ ಹಣಾಹಣಿ ಇಂದು

‌SRH vs RR: ರಾಜಸ್ಥಾನ ರಾಯಲ್ಸ್‌ ವಿರುದ್ಧ ಭರ್ಜರಿ ಜಯ ಸಾಧಿಸಿದ ಸನ್‌ರೈಸರ್ಸ್‌

SRH vs RR: ರಾಜಸ್ಥಾನ ರಾಯಲ್ಸ್‌ ವಿರುದ್ಧ ಸುಲಭ ಜಯ ದಾಖಲಿಸಿದ ಸನ್‌ರೈಸರ್ಸ್‌

Video: ಕೊಹ್ಲಿ ಮತ್ತು RCB… ರೀನಾ Honest Talk

ಒಳನೋಟ: ಗಿಗ್‌ ಕಾರ್ಮಿಕರದ್ದು ಬಗೆದಷ್ಟೂ ಬವಣೆ

ಒಳನೋಟ: ಬದುಕು ನುಂಗಿದ ಕೊಪ್ಪಳದ ಕರಿದೂಳು– ಇದು ವಾಯುಮಾಲಿನ್ಯದ ಆಘಾತಕಾರಿ ಅವಾಂತರ!

ಒಳನೋಟ: ಕುದುರೆಮುಖ ರಾಷ್ಟ್ರೀಯ ಉದ್ಯಾನದ ಕಾಡಂಚಿನ ಜನರ ನಿತ್ಯ ರೋದನ

ಒಳನೋಟ: ಸಾಯುತ್ತಿರುವ ಜೀವ ನದಿಗಳು!

ಚಿನಕುರುಳಿ ಕಾರ್ಟೂನು: ಸೋಮವಾರ, 13 ಏಪ್ರಿಲ್ 2026

ಗುಂಡಣ್ಣ ಕಾರ್ಟೂನು: ಸೋಮವಾರ 13 ಏ‍ಪ್ರಿಲ್ 2026

ಸುದ್ದಿ ಗುದ್ದು | ತಿಂಗಳೇಶ: ಸೋಮವಾರ, 13 ಏಪ್ರಿಲ್ 2026

ಚುರುಮುರಿ: ಪಟ್ಟಕ್ಕೆ ಕುತ್ತು