ಬೆಂಗಳೂರು: ಸ್ಯಾಂಡಲ್‌ವುಡ್‌ನ ಕ್ಯೂಟ್ ಜೋಡಿ ನಟ ದಿಗಂತ್ ಹಾಗೂ ನಟಿ ಐಂದ್ರಿತಾ ರೇ ಅವರ ವಿವಾಹ ಡಿ.11, 12ರಂದು ಬೆಂಗಳೂರಿನಲ್ಲಿ ನಡೆಯಲಿದೆ.
ಸುಮಾರು ದಿನಗಳಿಂದ ಈ ಜೋಡಿಯ ಮದುವೆಯ ಬಗ್ಗೆ ಗಾಸಿಪ್‌ಗಳು ಹರಿದಾಡುತ್ತಿದ್ದವು. ಈ ಎಲ್ಲದಕ್ಕೂ ತೆರೆ ಎಳೆದ ಐಂದ್ರಿತಾ ವಿವಾಹದ ದಿನಾಂಕವನ್ನು ಶೂಟಿಂಗ್ ಸ್ಥಳದಲ್ಲಿ ಘೋಷಿಸಿದ್ದಾರೆ.
ನನ್ನ ಮದುವೆ ಡಿ.12ರಂದು ದಿಗಂತ್ ಜೊತೆ ನಡೆಯಲಿದೆ ಎಂದು ಹೇಳಿಕೊಂಡಿದ್ದಾರೆ. ಇನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ನಿಶ್ಚಿತಾರ್ಥದ ಉಂಗುರ ತೊಟ್ಟ ಫೋಟೊ ಹಾಕಿರುವ ಐಂದ್ರಿತಾ, ಇಷ್ಟು ದಿನ ಇದ್ದ ಎಲ್ಲಾ ವದಂತಿಗಳಿಗೆ ತೆರೆ ಎಳೆಯುತ್ತಿದ್ದೇನೆ. ಈಗ ನನ್ನ ಜೊತೆ ಡೈಮಂಡ್ ಮತ್ತು ಡಿಂಪಲ್ ಎರಡೂ ಇದೆ ಎಂದು ಹೇಳಿಕೊಂಡಿದ್ದಾರೆ.
