ಮುಂಬೈ: ಬಾಲಿವುಡ್ ಹಾಗೂ ಕಿರಯತೆರೆ ನಟ ದಿಲೀಪ್ ಜೋಶಿ ಅವರ ಪುತ್ರಿ ನಿಯಾತಿ ನೆಟ್ಟಿಗರ ಪ್ರೀತಿಗೆ ಪಾತ್ರರಾಗಿದ್ದಾರೆ.
ಹೌದು, ನಿಯಾತಿ ಇತ್ತೀಚೆಗೆ ಅದ್ದೂರಿಯಾಗಿ ಗುಜರಾತಿ ಸಂಪ್ರದಾಯದಂತೆ ಮದುವೆಯಾಗಿದ್ದಾರೆ. ತಮ್ಮ ಮದುವೆ ಫೋಟೊಗಳ ಮೂಲಕ ನಿಯಾತಿ ನೆಟ್ಟಿಗರ ಮನ ಗೆದಿದ್ದಾರೆ.
ನಿಯಾತಿ ಅವರು ತಮ್ಮ ಬಹುಕಾಲದ ಗೆಳೆಯ ಯಶೋಧರ ಅವರನ್ನು ಮದುವೆಯಾದರು. ಅವರು ಮದುವೆ ಸಂಭ್ರದಲ್ಲಿ ಮೇಕಪ್ಗೆ ಮಾನ್ಯತೆ ಕೊಡದೆ ಸರಳವಾಗಿ ವಿವಾಹವಾಗಿದ್ದಾರೆ.
ನಿಯಾತಿ ತಲೆಯಲ್ಲಿ ಸಾಕಷ್ಟು ಬಿಳಿ ಕೂದಲುಗಳು ಇದ್ದರೂ ಅವುಗಳಿಗೆ ಬಣ್ಣ ಹಚ್ಚದೇ ( ಡೈ) ಸರಳವಾಗಿ ಮದುವೆ ಕಾರ್ಯಕ್ರಮ ಮುಗಿಸಿದ್ದಾರೆ. ಮದುವೆಯ ಫೋಟೊ ಹಾಗೂ ವಿಡಿಯೊಗಳಲ್ಲೂ ನಿಯಾತಿ ಅವರ ಬಿಳಿ ಕೂದಲುಗಳು ಕಾಣುತ್ತವೆ.
ಮದುವೆ ಅಂದ್ರೆ ಎಲ್ಲರೂ ಮೇಕಪ್ ಮಾಡುವುದು ಸಹಜ. ಬಿಳಿ ಕೂದಲುಗಳಿಗೆ ಡೈ ಮಾಡುತ್ತಾರೆ, ಆದರೆ ನಿಯಾತಿ ಮೇಕಪ್ ಮಾಡದೇ ಸಹಜವಾಗಿ ಮದುವೆಯಾಗಿ ಮಾದರಿಯಾಗಿದ್ದಾರೆ ಎಂದು ಕೆಲವರು ಟ್ವೀಟ್ ಮಾಡಿದ್ದಾರೆ.