‘ಪುಷ್ಪ’ ವಿಶೇಷ ಹಾಡಿಗೆ ದಿಶಾ ಪಟಾನಿ ಹೆಜ್ಜೆ

‘ಅಲಾ ವೈಕುಂಠಪುರಮುಲೊ’ ಚಿತ್ರವು ಭಾರಿ ಯಶಸ್ಸು ಗಳಿಸಿದ್ದರಿಂದ ಅಲ್ಲು ಅರ್ಜುನ್‌ ಅಭಿನಯದ ಹೊಸ ಚಿತ್ರದ ಬಗ್ಗೆ ಭಾರಿ ಕುತೂಹಲ ಗರಿಗೆದರಿದೆ. ನಿರ್ದೇಶಕ ಸುಕುಮಾರ್‌, ಅಲ್ಲು ಅರ್ಜುನ್‌ ಜೊತೆಗಿನ ಹೊಸ ಚಿತ್ರ ‘ಪುಷ್ಪ’ ಬಗ್ಗೆ ಈಗಾಗಲೇ ಘೋಷಣೆ ಮಾಡಿದ್ದು, ಈ ಚಿತ್ರದಲ್ಲಿ ದಿಶಾ ಪಟಾನಿ ನಟಿಸಲಿದ್ದಾರೆ ಎಂದು ವರದಿಗಳು ತಿಳಿಸಿವೆ.

ಅಲ್ಲು ಅರ್ಜುನ್‌ ಜೊತೆಗೆ ವಿಶೇಷ ಹಾಡಿನಲ್ಲಿ ಹೆಜ್ಜೆ ಹಾಕಲು ಚಿತ್ರತಂಡ, ದಿಶಾ ಪಟಾನಿ ಅವರ ಜೊತೆ ಮಾತುಕತೆ ನಡೆಸಿದೆ. ಆದರೆ ‘ಭಾಗಿ 3’ ನಟಿ ಈ ಆಫರ್‌ನ್ನು ಒಪ್ಪಿಕೊಳ್ಳುತ್ತಾರಾ ಎಂಬುದು ಲಾಕ್‌ಡೌನ್‌ ಬಳಿಕ ಗೊತ್ತಾಗಲಿದೆ.

ಸದ್ಯ ಈ ಚಿತ್ರದ ಕೆಲಸಗಳು ಸ್ಥಗಿತಗೊಂಡಿವೆ. ಲಾಕ್‌ಡೌನ್‌ ಮುಗಿದ ನಂತರ ಚಿತ್ರದ ಶೂಟಿಂಗ್‌ ಆರಂಭವಾಗಲಿದೆ.