ಕನ್ನಡ ಭಾಷೆಗೆ ಒಳ್ಳೆಯದಾಗುವುದಾದರೆ ಡಬ್ಬಿಂಗ್‌ಗೆ ನನ್ನ ವಿರೋಧವಿಲ್ಲ: ಯಶ್

7
ಕೆಜಿಎಫ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿಕೆ

ಕನ್ನಡ ಭಾಷೆಗೆ ಒಳ್ಳೆಯದಾಗುವುದಾದರೆ ಡಬ್ಬಿಂಗ್‌ಗೆ ನನ್ನ ವಿರೋಧವಿಲ್ಲ: ಯಶ್

Published:
Updated:

ಬೆಂಗಳೂರು: ಕನ್ನಡ ಚಿತ್ರರಂಗದ ಪಾಲಿನ ಬಹುಚರ್ಚಿತ ವಿಚಾರದ ಬಗ್ಗೆ ನಟ ಯಶ್ ಜಾಣತನದ ಮಾತು ಆಡಿದ್ದಾರೆ. ಅಂದಹಾಗೆ, ಯಶ್ ಅವರು ಪ್ರತಿಕ್ರಿಯೆ ನೀಡಿರುವುದು ಡಬ್ಬಿಂಗ್ ಬಗ್ಗೆ.

ಯಶ್ ಅಭಿನಯದ 'ಕೆಜಿಎಫ್' ಚಿತ್ರ ಕನ್ನಡ ಸೇರಿದಂತೆ ಐದು ಭಾಷೆಗಳಲ್ಲಿ ಬಿಡುಗಡೆ ಆಗುತ್ತಿದೆ. ಟ್ರೇಲರ್ ಕೂಡ ಐದು ಭಾಷೆಗಳಲ್ಲಿ ಬಿಡುಗಡೆ ಆಗಿದೆ. ಟ್ರೇಲರ್‌ ಬಿಡುಗಡೆ ಸಮಯದಲ್ಲಿ ಯಶ್ ಅವರಿಗೆ ಪತ್ರಕರ್ತರಿಂದ ಡಬ್ಬಿಂಗ್ ವಿಚಾರವಾಗಿ ಪ್ರಶ್ನೆ ಎದುರಾಯಿತು.

'ಭಾರತದ ಬೇರೆ ಬೇರೆ ಭಾಷೆಗಳ ಜನ, ಸಿನಿಮಾಗಳನ್ನು ಡಬ್ಬಿಂಗ್ ಮೂಲಕ ತಮ್ಮದೇ ಭಾಷೆಯಲ್ಲಿ ವೀಕ್ಷಿಸುತ್ತಿದ್ದಾರೆ. ಕನ್ನಡದಲ್ಲಿ ಡಬ್ಬಿಂಗ್ ವಿಚಾರವಾಗಿ ತಮ್ಮ ನಿಲುವು ಏನು' ಎಂದು ಕೇಳಲಾಯಿತು.

ಅದಕ್ಕೆ ಉತ್ತರವಾಗಿ ಯಶ್, 'ಕಾಲದ ಜೊತೆ ಹಲವು ವಿಷಯಗಳು ಬದಲಾಗುತ್ತಿರುತ್ತವೆ. ಭಾರತೀಯ ಸಿನಿಮಾಗಳನ್ನು ಇಂದು‌ ಚೀನಿಯರು ಕೂಡ ನೋಡುತ್ತಾರೆ. ಕನ್ನಡ ಭಾಷೆಗೆ ಒಳ್ಳೆಯದಾಗುತ್ತದೆ ಎಂದಾದರೆ ನನ್ನದೇನೂ ವಿರೋಧವಿಲ್ಲ. ಆದರೆ, ಡಬ್ಬಿಂಗ್‌ನಿಂದ ಸ್ಥಳೀಯ ಕಲಾವಿದರಿಗೆ ತೊಂದರೆ ಆಗುತ್ತದೆ. ಅದರ ಬಗ್ಗೆಯೂ ಗಮನ ನೀಡಬೇಕಾಗುತ್ತದೆ' ಎಂದರು.

ಇವನ್ನೂ ಓದಿ...

ಕೆಜಿಎಫ್: ಬರಲಿದೆಯೇ ಇನ್ನೊಂದು ಭಾಗ? ಬಜೆಟ್ ಎಷ್ಟು

ಅಭಿಮಾನಿಗಳ ಹೃದಯ ಬಡಿತ ಹೆಚ್ಚಿಸಿದ ಕೆಜಿಎಫ್ ಟ್ರೇಲರ್

ಬರಹ ಇಷ್ಟವಾಯಿತೆ?

  • 10

    Happy
  • 3

    Amused
  • 1

    Sad
  • 1

    Frustrated
  • 1

    Angry

Comments:

0 comments

Write the first review for this !