ಸೃಜನ್ ಲೋಕೇಶ್ ಚಿತ್ರರಂಗಕ್ಕೆ ಎಲ್ಲಿಂದಲೋ ಬಂದವರೇನಲ್ಲ. ಆದರೆ ತಂದೆಯ ಜನಪ್ರಿಯತೆ ಮಗನನ್ನು ಹಿರಿತೆರೆಯ ಮೇಲೆ ಹಿಡಿದೆತ್ತಲಿಲ್ಲ. ಚಂದನವನದಲ್ಲಿ ಗಟ್ಟಿ ಕಾಲೂರಲು ನಡೆಸಿದ ಪ್ರಯತ್ನಗಳು ಯಶಸ್ವಿಯಾಗದೆ ಕಿರುತೆರೆಯಲ್ಲಿ ‘ಮಜಾ ಟಾಕೀಜ್’ ಮಾಡ್ಕೊಂಡಿರುವ ಸೃಜನ್ ಈಗ ಮತ್ತೆ ಹಿರಿತೆರೆಗೆ ಮರಳುತ್ತಿದ್ದಾರೆ. ಈ ಸಲ ಅವರದ್ದು ಡಬಲ್ ಪಾರ್ಟ್! ಸಿನಿಮಾದೊಳಗಿನ ದ್ವಿಪಾತ್ರ ಅಲ್ಲ, ನಟನೆ ಮತ್ತು ನಿರ್ಮಾಣ ಎರಡು ಪಾತ್ರಗಳನ್ನೂ ಅವರು ನಿರ್ವಹಿಸುತ್ತಿದ್ದಾರೆ.