4

‘ಚಿಟ್ಟೆ’ಗೆ ಕರೆ ಮಾಡಿದರೆ ಟಿಕೆಟ್ ಉಚಿತ!

Published:
Updated:
ಯಶಸ್ ಸೂರ್ಯ, ಹರ್ಷಿಕಾ ಪೂಣಚ್ಚ

ಹರ್ಷಿಕಾ ಪೂಣಚ್ಚ ಮತ್ತು ಯಶಸ್ ಸೂರ್ಯ ನಟಿಸಿರುವ ‘ಚಿಟ್ಟೆ’ ಸಿನಿಮಾ ಈ ಶುಕ್ರವಾರ (ಜೂನ್‌ 29) ತೆರೆಗೆ ಬರುತ್ತಿರುವುದು ಒಂದು ಸುದ್ದಿ. ಈ ಸುದ್ದಿ ಜೊತೆಯಲ್ಲೇ ಇನ್ನೊಂದು ಸುದ್ದಿ ಕೂಡ ಇದೆ. ಅದು ಈ ಚಿತ್ರದ ಟಿಕೆಟ್‌ಗಳನ್ನು ಹಾಗೂ ಹಾಡುಗಳನ್ನು ಉಚಿತವಾಗಿ ಪಡೆದುಕೊಳ್ಳುವುದಕ್ಕೆ ಸಂಬಂಧಿಸಿದ್ದು.

ಚಿತ್ರದ ಪ್ರಚಾರಕ್ಕೆ ತಂಡವು ಹೊಸದೊಂದು ಬಗೆಯ ಪ್ರಯತ್ನ ನಡೆಸಿದೆ. ಚಿತ್ರತಂಡ ನೀಡಿರುವ ಒಂದು ಸಂಖ್ಯೆಗೆ (63623 76325) ಸಿನಿಮಾ ಪ್ರಿಯರು ಕರೆ ಮಾಡಬೇಕು. ಅವರಲ್ಲಿ ಅದೃಷ್ಟಶಾಲಿಗಳಿಗೆ ಸಿನಿಮಾ ವೀಕ್ಷಿಸುವ ಟಿಕೆಟ್‌ ಉಚಿತವಾಗಿ ಸಿಗುತ್ತದೆಯಂತೆ.

‘ಜನರ ಪ್ರತಿಕ್ರಿಯೆ ಹೇಗಿರುತ್ತದೆ ಎಂಬುದನ್ನು ಗಮನಿಸಲು ನಾವು ಈ ‍ಪ್ರಯೋಗ ನಡೆಸಿದ್ದೇವೆ. ನಮಗೆ ಕರೆ ಮಾಡಿದ ಪ್ರತಿ ಹತ್ತು ಮಂದಿಯಲ್ಲಿ ಒಬ್ಬರಿಗೆ ಉಚಿತ ಟಿಕೆಟ್ ದೊರೆಯುತ್ತದೆ. ಇದುವರೆಗೆ ಅಂದಾಜು ಎರಡೂವರೆ ಸಾವಿರ ಜನ ಕರೆ ಮಾಡಿದ್ದಾರೆ’ ಎಂದು ‘ಚಿಟ್ಟೆ’ ನಿರ್ದೇಶಕ ಹಾಗೂ ನಿರ್ಮಾಪಕ ಕೂಡ ಆಗಿರುವ ಎಂ.ಎಲ್. ಪ್ರಸನ್ನ ತಿಳಿಸಿದರು. ಚಿತ್ರದ ಬಿಡುಗಡೆಯ ದಿನದವರೆಗೆ ಈ ಕೊಡುಗೆ ಚಾಲ್ತಿಯಲ್ಲಿ ಇರುತ್ತದೆಯಂತೆ.

ಚಿತ್ರವನ್ನು ಹೆಚ್ಚು ಜನರಿಗೆ ತಲುಪಿಸುವ ಉದ್ದೇಶದಿಂದ ಸಿನಿತಂಡವು, ಬೇರೆ ಬೇರೆ ಕಡೆ ಭೇಟಿ ನೀಡಿ ಒಂದು ಪುಟ್ಟ ಕಾರ್ಡ್‌ಅನ್ನು ಜನರಿಗೆ ಹಂಚಿದೆ. ಈ ಕಾರ್ಡ್‌ನಲ್ಲಿ ಚಿತ್ರದ ಬಗ್ಗೆ ಕಿರು ಮಾಹಿತಿ ಇದೆ. ಅಲ್ಲದೆ, ಬಾಯಿ ಸಿಹಿ ಮಾಡಿಕೊಳ್ಳಲು ಚಾಕೊಲೇಟ್ ಕೂಡ ಈ ಕಾರ್ಡ್‌ ಜೊತೆ ಸಿಗುತ್ತದೆ!

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !