ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಜೂನ್‌ನಲ್ಲಿ ‘ಗೇಮ್ ಓವರ್’

Last Updated 28 ಮೇ 2019, 4:41 IST
ಅಕ್ಷರ ಗಾತ್ರ

ತಮಿಳು ಮತ್ತು ತೆಲುಗು ದ್ವಿಭಾಷೆಯಲ್ಲಿ ಸಿದ್ಧವಾಗಿರುವ ತಾಪ್ಸಿ ಪನ್ನು ಅಭಿನಯದ ‘ಗೇಮ್ ಓವರ್’ ಸಿನಿಮಾ ಜೂನ್ 14ಕ್ಕೆ ಬಿಡುಗಡೆಯಾಗಲಿದೆ. ಅಶ್ವಿನ್ ಶರವಣನ್ ನಿರ್ದೇಶನದ ಈ ಚಿತ್ರಕ್ಕೆ ಎಸ್. ಶಶಿಕಾಂತ್ ನಿರ್ಮಾಪಕರು. ಚಿತ್ರ ಬಿಡುಗಡೆ ಸೆನ್ಸಾರ್ ಮಂಡಳಿ ಒಪ್ಪಿಗೆ ನೀಡಿದ್ದು, ತಾಪ್ಸಿ ಈ ಸಿನಿಮಾದಲ್ಲಿ ಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ದೀರ್ಘಕಾಲದ ತಮಿಳು ಚಿತ್ರರಂಗಕ್ಕೆ ಮರಳಿರುವ ತಾಪ್ಸಿ, ಈ ಚಿತ್ರದ ಬಗ್ಗೆ ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಚಿತ್ರದ ಕಥೆಯನ್ನು ಕೇಳಿದಾಗಲೇ ಸಿನಿಮಾದ ಬಗ್ಗೆ ಕಾತರರಾಗಿದ್ದ ತಾಪ್ಸಿ, ಇದನ್ನು ತಮ್ಮ ಅಭಿಮಾನಿಗಳ ಖುಷಿಗಾಗಿ ಒಪ್ಪಿಕೊಂಡಿದ್ದಾರೆ. ಸದಾ ಭಿನ್ನ ಕಥಾವಸ್ತು ಮತ್ತು ಪಾತ್ರಗಳನ್ನು ಅರಸುವ ತಾಪ್ಸಿಗೆ ಈ ಚಿತ್ರದಲ್ಲೂ ವಿಶೇಷ ರೀತಿಯಲ್ಲಿ ಕಾಣಿಸಿಕೊಳ್ಳುವ ಅವಕಾಶ ದಕ್ಕಿದೆ. ‘ಗೇಮ್ ಓವರ್’ ತಾಪ್ಸಿ ವೃತ್ತಿಜೀವನದಲ್ಲಿ ಮತ್ತೊಂದು ಭಿನ್ನ ಚಿತ್ರವಾಗುವ ಲಕ್ಷಣಗಳಿವೆ.

ನಾಲ್ಕು ವರ್ಷಗಳ ನಂತರ ಚಿತ್ರಕ್ಕೆ ಬಿಡುಗಡೆಯ ಭಾಗ್ಯ ಸಿಕ್ಕಿದೆ. ವೈನಾಟ್ ಸ್ಟುಡಿಯೊ ನಿರ್ಮಾಣದ ಈ ಚಿತ್ರ ತಾಪ್ಸಿಗೆ ತಮಿಳಿಗೆ ಮತ್ತೆ ಮರಳಲು ಒಳ್ಳೆಯ ಅವಕಾಶವನ್ನೇ ನೀಡಿದೆ. ಚಿತ್ರದ ಬಿಡುಗಡೆ ಬಗ್ಗೆ ಅಪಾರ ನಿರೀಕ್ಷೆ ಇದೆ ಎಂದು ನಿರ್ದೇಶಕ ಅಶ್ವಿನ್ ಹೇಳಿಕೊಂಡಿದ್ದಾರೆ.

ತಮಿಳು ಪ್ರೇಕ್ಷಕರಿಗೆ ಗೇಮ್ ಓವರ್ ಭಿನ್ನ ಬಗೆಯ ಅನುಭವ ನೀಡಲಿದೆ. ಪಕ್ಕಾ ಸಸ್ಪೆನ್ಸ್, ಥ್ರಿಲ್ಲರ್ ಆಗಿರುವ ಈ ಚಿತ್ರ ‘ಮಾಯಾ’ ಸಿನಿಮಾಕ್ಕಿಂತಲೂ ಭಿನ್ನ ಬಗೆಯ ಕಥಾ ಹಂದರ ಹೊಂದಿದೆ. ಅಶ್ವಿನ್ ಶರವಣನ್ ಅವರ ಪ್ರಥಮ ಚಿತ್ರ ‘ಮಾಯಾ’ದ ಮೂಲಕ ನಯನತಾರಾ ಮತ್ತೆ ಲೈಮ್ ಲೈಟ್‌ಗೆ ಬಂದಿದ್ದರು. ಅಷ್ಟೇ ಅಲ್ಲ ಆ ಸಿನಿಮಾ ತಮಿಳು ಸಿನಿರಂಗದಲ್ಲಿ ಹೊಸತನವನ್ನೂ ತಂದಿತ್ತು. ಹಾಗಾಗಿ, ‘ಗೇಮ್ ಓವರ್’ ಸಿನಿಮಾ, ಚಿತ್ರದ ನಿರ್ದೇಶಕರಿಂದ ಹಿಡಿದು ಪ್ರೇಕ್ಷಕರ ತನಕ ಅಪಾರ ಕುತೂಹಲ ಹುಟ್ಟುಹಾಕಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT