ಮುಂಬೈ: ದೇಶದೆಲ್ಲೆಡೆ ಸ್ವಾತಂತ್ರ್ಯೋತ್ಸವದ ಸಂಭ್ರಮ ಮನೆ ಮಾಡಿದೆ. ಇದರಂತೆ ಬಾಲಿವುಡ್ ದಿಗ್ಗಜ ಜಾಕಿ ಶ್ರಾಫ್ ಅವರ ಪುತ್ರ ಹಾಗೂ ನಟ ಟೈಗರ್ ಶ್ರಾಫ್ 'ಫ್ಲೈಯಿಂಗ್ ಸೆಲ್ಯೂಟ್' ಮೂಲಕ ವಿನೂತನ ಶೈಲಿಯಲ್ಲಿ ಶುಭಾಶಯ ಸಲ್ಲಿಸಿದ್ದಾರೆ.
ಫಿಟ್‌ನೆಸ್‌ಗೆ ಹೆಚ್ಚಿನ ಮಹತ್ವ ಕೊಡುತ್ತಿರುವ ಟೈಗರ್ಶ್ರಾಫ್, ಫಿಟ್‌ನೆಸ್‌ ಕುರಿತಾದ ವಿಡಿಯೊಗಳನ್ನು ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ.
ಅನೇಕ ಸ್ಟಂಟ್‌ಗಳನ್ನು ಕರಗತ ಮಾಡಿಕೊಂಡಿರುವ ಟೈಗರ್ ಶ್ರಾಫ್, ಜಿಮ್‌ಕೇಂದ್ರದಲ್ಲಿ ಒಂದು ತುದಿಯಿಂದ ಓಡೋಡಿ ಬಂದು ಮೇಲಕ್ಕೆ ಜಿಗಿದು ಗಾಳಿಯಲ್ಲಿ ಪಲ್ಟಿ ಹೊಡೆಯುತ್ತಾ ಸೆಲ್ಯೂಟ್ ನೀಡುತ್ತಾರೆ. ಬಳಿಕ ಸೇಫ್ ಲ್ಯಾಂಡಿಂಗ್ ಪೂರ್ಣಗೊಳಿಸುತ್ತಾರೆ.
