‘ಕಾಲಿ ಕುಹಿ’ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ

ಟ್ರೈಲರ್ ಮೂಲಕ ಕುತೂಹಲ ಹುಟ್ಟಿಸಿರುವ ಸಿನಿಮಾ ಶಿವಾಂಗಿ ಎಂಬ 10 ವರ್ಷದ ಹುಡುಗಿಯ ಕತೆಯಾಗಿದೆ. ಆ ಹುಡುಗಿ ತನ್ನ ಕುಟುಂಬ ಹಾಗೂ ಹಳ್ಳಿಯ ಜನರನ್ನು ಭೂತಗಳಿಂದ ಹೇಗೆ ರಕ್ಷಣೆ ಮಾಡುತ್ತಾಳೆ ಎಂಬ ಕಥೆಯನ್ನು ಹೊಂದಿದೆ ಈ ಸಿನಿಮಾ.

‘ಇಡೀ ಜಗತ್ತಿನಲ್ಲಿ ಎಲ್ಲಾ ಕಡೆಯೂ ಹೆಣ್ಣು ಶಿಶುವಿನ ಹತ್ಯೆ ನಡೆಯುತ್ತಿದೆ. ನಮ್ಮ ಕಣ್ಣ ಮುಂದೆ ಅಥವಾ ಯಾರಿಗೂ ಗೊತ್ತಾಗದ ಹಾಗೆ ಪಟ್ಟಣಗಳಲ್ಲೂ ನಡೆಯುತ್ತಿದೆ. ಆದರೆ ಆ ವಿಷಯದ ಮೇಲೆ ಬೆಳಕು ಚೆಲ್ಲುವ ಪ್ರಯತ್ನ ನಡೆಯುತ್ತಿಲ್ಲ. ಕೇವಲ ಹೆಣ್ಣು ಎನ್ನುವ ಕಾರಣಕ್ಕೆ ಆ ಮಗು ಬದುಕುವ ಹಕ್ಕನ್ನು ಚಿವುಟಿ ಹಾಕಲಾಗುತ್ತಿದೆ. ನಿಜಕ್ಕೂ ಇದು ಅನ್ಯಾಯ. ನಾನು ಈ ಸಿನಿಮಾವನ್ನು ಪ್ರಚಾರಕ್ಕಾಗಿ ಅಥವಾ ಹೆಸರು ಸಂಪಾ‌ದಿಸುವ ಸಲುವಾಗಿ ಒಪ್ಪಿಕೊಂಡಿಲ್ಲ. ಇಂತಹ ಚಿತ್ರಗಳ ಮೂಲಕ ಸಮಾನತೆಯನ್ನು ಸಾರಬೇಕು. ಸಮಾಜದಲ್ಲಿ ಗಂಡು–ಹೆಣ್ಣು ಇಬ್ಬರೂ ಸಮಾನರು ಎಂಬುದನ್ನು ತೋರಿಸಬೇಕು’ ಎಂದಿದ್ದಾರೆ ಶಬಾನಾ ಆಜ್ಮಿ.