ಕರಿಯಪ್ಪನ ಕೆಮಿಸ್ಟ್ರಿಗೆ 63ರ ಖುಷಿ

ಗುರುವಾರ , ಜೂನ್ 20, 2019
24 °C

ಕರಿಯಪ್ಪನ ಕೆಮಿಸ್ಟ್ರಿಗೆ 63ರ ಖುಷಿ

Published:
Updated:
Prajavani

ನಿರ್ಮಾಪಕ ಡಾ.ಡಿ.ಎಸ್. ಮಂಜುನಾಥ್ ಅವರು ಈ ಹಿಂದೆ ‘ಸಂಯುಕ್ತ–2’ ಎನ್ನುವ ಸಿನಿಮಾ ನಿರ್ಮಾಣ ಮಾಡಿದ್ದರು. ಆ ಸಿನಿಮಾ ಬಗ್ಗೆ ಚಿತ್ರ ವೀಕ್ಷಕರು ಖುಷಿಯ ಪ್ರತಿಕ್ರಿಯೆ ಎಷ್ಟರಮಟ್ಟಿಗೆ ಕೊಟ್ಟರೋ ಗೊತ್ತಿಲ್ಲ, ಸಿನಿಮಾ ಯಶಸ್ಸು ಕಂಡ ಸುದ್ದಿಯಂತೂ ಸಿಗಲಿಲ್ಲ.

ಆದರೆ, ಮತ್ತೊಂದು ಸಿನಿಮಾ ನಿರ್ಮಿಸಿ ಯಶಸ್ಸಿನ ರುಚಿ ಕಂಡುಕೊಂಡಿದ್ದಾರೆ ಮಂಜುನಾಥ್. ಸಿನಿಮಾ ಹೆಸರು ‘ಕೆಮಿಸ್ಟ್ರಿ ಆಫ್‌ ಕರಿಯಪ್ಪ’. ಚಿತ್ರ ‘ಯಶಸ್ವಿಯಾಗಿ’ 63 ದಿನಗಳ ಪ್ರದರ್ಶನ ಕಂಡ ಕಾರಣಕ್ಕೆ, ಸಿನಿತಂಡ ಸಂತೋಷ ಕೂಟವೊಂದನ್ನು ಆಯೋಜಿಸಿತ್ತು.

‘ಕರಿಯಪ್ಪ’ನ ಯಶಸ್ಸಿಗಾಗಿ ಕೆಲಸ ಮಾಡಿದ ಎಲ್ಲ ಕಲಾವಿದರನ್ನು, ತಂತ್ರಜ್ಞರನ್ನು ಗೌರವಿಸಲಾಯಿತು. ನಟ ನೀನಾಸಂ ಸತೀಶ್, ನಿರ್ಮಾಪಕ ಸುಪ್ರೀತ್, ಭರ್ಜರಿ ಚೇತನ್, ನಿರ್ದೇಶಕ ಮಹೇಶ್‍ ಕುಮಾರ್, ಗಾಯಕ ನವೀನ್‍ಸಜ್ಜು ಸೇರಿದಂತೆ ಹಲವರು ಭಾಗವಹಿಸಿದ್ದರು.

‘ಕಡಿಮೆ ಬಜೆಟ್‍ನಲ್ಲಿ ಒಳ್ಳೆಯ ಸಿನಿಮಾ ಮಾಡಿ ಗೆಲ್ಲಿಸುವುದು ಕಷ್ಟ. ಅಂತಹ ಕೆಲಸವನ್ನು ಈ ತಂಡ ಮಾಡಿದೆ. ಒಂದು ಸಿನಿಮಾಗೆ ಬೇಕಿರುವುದು ಒಳ್ಳೆಯ ಕಥೆ ಹಾಗೂ ಕಥೆಯ ಪಾತ್ರಗಳಿಗೆ ಜೀವ ತುಂಬುವ ಕಲಾವಿದರು. ತಬಲಾ ನಾಣಿ, ಸಂಜನಾ, ಚಂದನ್ ಎಲ್ಲರೂ ಒಳ್ಳೆಯ ಪ್ರಯತ್ನ ಮಾಡಿದ್ದಾರೆ, ಚಿತ್ರವನ್ನು ಗೆಲ್ಲಿಸಿದ್ದಾರೆ’ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು ನೀನಾಸಂ ಸತೀಶ್.

‘ನಿರ್ದೇಶಕನ ಪಾಲಿಗೆ ಪ್ರತಿ ಚಿತ್ರವೂ ಸವಾಲಿನ ಕೆಲಸವೇ ಸರಿ. ಈ ಸಿನಿಮಾ ನಿರ್ದೇಶಕರು ಸವಾಲುಗಳನ್ನು ಗೆದ್ದು, ನಿರ್ಮಾಪಕರನ್ನು ಗೆಲ್ಲಿಸಿಕೊಟ್ಟಿದ್ದಾರೆ’ ಎಂದವರು ನಿರ್ದೇಶಕ ಚೇತನ್ ಕುಮಾರ್.

‘63 ದಿನಗಳ ಕಾಲ ಚಿತ್ರವೊಂದು ಪ್ರದರ್ಶನ ಕಂಡಿರುವುದು ತಮಾಷೆಯ ಸಂಗತಿ ಅಲ್ಲ. ನನ್ನ ಮೊದಲ ಚಿತ್ರವೇ ಇಷ್ಟು ದೊಡ್ಡ ಯಶಸ್ಸು ಕಂಡಿರುವುದು ಖುಷಿಯ ವಿಚಾರ. ಚಿತ್ರತಂಡದಿಂದ ಸಿಕ್ಕ ಪ್ರೋತ್ಸಾಹದ ಕಾರಣದಿಂದಲೇ ಇದು ಸಾಧ್ಯವಾಯಿತು’ ಎಂದು ಖುಷಿಯಿಂದ ಹೇಳಿದರು ನಾಯಕಿ ಸಂಜನಾ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !