7
ಚಿತ್ರೀಕರಣ ಮುಕ್ತಾಯ

ಡಬ್ಬಿಂಗ್ ಕಾರ್ಯದಲ್ಲಿ ‘ಕರ್ಷಣಂ’

Published:
Updated:

ಬೆಂಗಳೂರು: ಸಸ್ಪೆನ್ಸ್, ಥ್ರಿಲ್ಲರ್ ಕಥಾನಕ ಹೊಂದಿರುವ ಧನಂಜಯ ಅತ್ರೆ ನಾಯಕನಾಗಿರುವ ‘ಕರ್ಷಣಂ’ ಚಿತ್ರದ ಚಿತ್ರೀಕರಣ ಮುಗಿದಿದೆ. ಐವತೈದು ದಿನಗಳ ಕಾಲ ಒಂದೇ ಶೆಡ್ಯೂಲ್‌ನಲ್ಲಿ ಚಿತ್ರವನ್ನು ಚಿತ್ರೀಕರಿಸಿಕೊಳ್ಳಲಾಯಿತು. ಶರವಣ ಈ ಚಿತ್ರದ ನಿರ್ದೇಶಕರು.

ಹೆಚ್ಚಾಗಿ ಬೆಂಗಳೂರಿನಲ್ಲಿಯೇ ಚಿತ್ರೀಕರಣ ನಡೆಸಲಾಗಿದೆ. ಆದರೆ ಜನರಿಗೆ ಅಷ್ಟಾಗಿ ಪರಿಚಯವಿಲ್ಲದ ಪ್ರದೇಶಗಳನ್ನೇ ನಿರ್ದೇಶಕ ಶರವಣ ಆಯ್ದುಕೊಂಡಿದ್ದಾರೆ. ನಾಯಕ ಧನಂಜಯ ಅತ್ರೆ ಅವರೇ ಈ ಚಿತ್ರಕ್ಕೆ ಹಣವನ್ನೂ ಹೂಡಿದ್ದಾರೆ. ಸದ್ಯ ‘ಕರ್ಷಣಂ’ ಚಿತ್ರಕ್ಕೆ ಡಬ್ಬಿಂಗ್ ಕಾರ್ಯ ನಡೆಯುತ್ತಿದೆ.

ಬೆಂಗಳೂರಿನ ನಾಯಂಡಹಳ್ಳಿ ಬಳಿ ಇರುವ ಪಂತರಪಾಳ್ಯ ಕೊಳೆಗೇರಿಯಲ್ಲಿ ನಾಯಕನ ಇಂಟ್ರಡಕ್ಷನ್ ಹಾಡನ್ನು ಚಿತ್ರೀಕರಿಸಿಕೊಳ್ಳಲಾಗಿದೆ. ಈ ಪ್ರದೇಶದಲ್ಲಿಯೇ ಚಿತ್ರ ಮುಖ್ಯ ಭಾಗಗಳ ಚಿತ್ರೀಕರಣ ನಡೆಸಲಾಗಿದೆ. ಇನ್ನೊಂದು ಹಾಡನ್ನು ಅಪಾರ್ಟ್‍ಮೆಂಟ್‌ ಒಂದರಲ್ಲಿ ನಡೆಸಲಾಗಿದೆ. ಕಥೆಯನ್ನು ಹಾಡಿನ ಮೂಲಕವೇ ಹೇಳುವಂಥ ಪ್ರಯತ್ನ ಕೂಡಾ ಈ ಚಿತ್ರದಲ್ಲಿ ನಡೆದಿದೆ.

ಇದುವರೆಗೆ ಗಾಯಕನಾಗಿ ಪ್ರಸಿದ್ಧಿ ಪಡೆದಿದ್ದ ಹೇಮಂತ್ ಈ ಮೂಲಕ ಸಂಗೀತ ನಿರ್ದೇಶಕನಾಗಿದ್ದಾರೆ. ಈ ಚಿತ್ರದಲ್ಲಿನ ನಾಲ್ಕು ಹಾಡುಗಳನ್ನು ಅಶ್ವಿನಿ ಆಡಿಯೊ ಮೂಲಕ ಬಿಡುಗಡೆ ಮಾಡಲಾಗಿದೆ. ಮೋಹನ್ ಎಂ. ಮುಗುಡೇಶ್ವರ ಛಾಯಾಗ್ರಹಣ, ಹೇಮಂತ್ ಸಂಗೀತ ನಿರ್ದೇಶನ ಈ ಚಿತ್ರಕ್ಕಿದೆ. ಅನೂಷಾ ರೈ, ಶ್ರೀನಿವಾಸ ಮೂರ್ತಿ, ಮನಮೋಹನ್ ರೈ, ವಿಜಯ ಚೆಂಡೂರು, ಗೌತಮ್ ರಾಜ್, ಯಮುನಾ ಶ್ರೀನಿಧಿ ತಾರಾಗಣದಲ್ಲಿದ್ದಾರೆ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !