ಬಾಲಿವುಡ್ ಚಿತ್ರಕ್ಕಾಗಿ ಸಣ್ಣಗಾದ ನಟಿ ಕೀರ್ತಿ ಸುರೇಶ್

ಅಭಿಮಾನಿಗಳಲ್ಲಿ ಕೆಲವರು ಸಿನಿಮಾಕ್ಕಾಗಿ ಕೀರ್ತಿಯ ಸಮರ್ಪಣಾ ಭಾವ ಹಾಗೂ ಕಠಿಣ ಅಭ್ಯಾಸದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರೆ,ಹೆಚ್ಚಿನವರು ಛಬ್ಬಿ ಛಬ್ಬಿ ಕೀರ್ತಿಯೇ ಇಷ್ಟ ಎಂದು ಕಮೆಂಟ್‌ ಮಾಡಿದ್ದಾರೆ.

ನಟಿ ಶ್ರೀರೆಡ್ಡಿ ‘ಕೀರ್ತಿ ಸುರೇಶ್‌ ಅವರು ರೋಗಿಯಂತೆ ಕಾಣುತ್ತಿದ್ದಾರೆ’ ಎಂದು ಟೀಕೆ ಮಾಡಿದ್ದಾರೆ. ‘ನಾನು ಕೀರ್ತಿಯನ್ನು ವಿಮಾನದಲ್ಲಿ ಭೇಟಿ ಮಾಡಿದೆ. ನಾನೂ ಸೇರಿ ಅವರನ್ನು ಅಲ್ಲಿಯಾರೂ ಬೇಗನೆ ಗುರುತಿಸಲಿಲ್ಲ. ಎಲ್ಲರೂ ನನ್ನ ಹತ್ತಿರ ಸೆಲ್ಫಿ ತೆಗೆಸಿಕೊಳ್ಳುತ್ತಿದ್ದರು.ತೂಕ ಇಳಿಸಿಕೊಂಡ ಕೀರ್ತಿ ರೋಗಿಯಂತೆ ಕಾಣುತ್ತಿದ್ದರು. ನಂತರ ಅದು ಕೀರ್ತಿಯೇ ಎಂದು ಸ್ಪಷ್ಟವಾದ ಬಳಿಕ ಅವರನ್ನೂ ಮಾತನಾಡಿಸಿದರು’ಎಂದು ಬರೆದುಕೊಂಡಿದ್ದಾರೆ.

ಕೀರ್ತಿ ಸುರೇಶ್‌ಬಾಲಿವುಡ್‌ ಚಿತ್ರಕ್ಕಾಗಿ ತೂಕ ಇಳಿಸಿಕೊಂಡಿದ್ದು, ಈ ಚಿತ್ರದಲ್ಲಿ ಅಜಯ್‌ ದೇವಗನ್‌ ಜೊತೆ ನಟಿಸುತ್ತಿದ್ದಾರೆ. ಕೀರ್ತಿ ಸುರೇಶ್‌ ಅವರ ಚಿತ್ರಗಳು ಆನ್‌ಲೈನ್‌ನಲ್ಲಿ ಹರಿದಾಡುತ್ತಿದ್ದು, ಕೀರ್ತಿ ಅವರು ಯಾವುದಾದರೂ ದೊಡ್ಡ ರೋಗದಿಂದ ಬಳಲುತ್ತಿದ್ದಾರೆಯೇ ಎಂದು ಕೆಲವರು ವ್ಯಂಗ್ಯ ಮಾಡಿದ್ದಾರೆ.