ಬಾಡಿಗೆ ತಾಯಿಯ ಕುರಿತು ಕಥಾವಸ್ತುವುಳ್ಳ ಸಿನಿಮಾಗಳು ಈ ಹಿಂದೆಯೂ ತೆರೆಕಂಡಿವೆ. ಸುಷ್ಮಿತಾ ಸೇನ್ ನಟಿಸಿದ್ದ ‘ಫಿಲ್ಹಾಲ್’, ಸಲ್ಮಾನ್ ಖಾನ್ ನಾಯಕನಟನಾಗಿ ಅಭಿನಯಿಸಿದ್ದ ‘ಚೋರಿ ಚೋರಿ ಚುಪ್ಕೆ ಚುಪ್ಕೆ‘ ಮುಂತಾದವು ಅಂತಹ ಪ್ರಮುಖ ಸಿನಿಮಾಗಳು. ಆದರೆ ಈಗಾಗಲೇ ಪ್ರೇಕ್ಷಕರು ಕಂಡಿರುವ ಯಾವುದೇ ಸಿನಿಮಾದಲ್ಲಿ ಕಾಣದಂತಹ ಕಥಾವಸ್ತು, ಸನ್ನಿವೇಶಗಳನ್ನು ‘ಮಮ್ಮಾ ಮಿಯಾ’ದಲ್ಲಿ ತೋರಿಸಲಿದ್ದೇವೆ ಎಂದು ನಿರ್ಮಾಪಕ–ನಿರ್ದೇಶಕ ಜೋಡಿ ಸ್ಪಷ್ಟಪಡಿಸಿದೆ.ಇದೇ ವರ್ಷ ನವೆಂಬರ್ನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ ಎಂದೂ ಅವರು ಹೇಳಿದ್ದಾರೆ.