ಬೀಜಿಂಗ್ (ಪಿಟಿಐ): ‘ಪಶ್ಚಿಮ ವಲಯದ ವಾಯುಪ್ರದೇಶದ ರಕ್ಷಣಾ ವ್ಯವಸ್ಥೆಯನ್ನು ಮೇಲ್ದರ್ಜೆಗೇರಿಸುತ್ತಿರುವುದಾಗಿ ಸೇನಾ ತಜ್ಞರು ಹೇಳಿದ್ದಾರೆ’ ಎಂದು ಚೀನಾದ ಸರ್ಕಾರಿ ಮಾಧ್ಯಮ ಗ್ಲೋಬಲ್ ಟೈಮ್ಸ್ ವರದಿ ಮಾಡಿದೆ.
‘ಭಾರತದಿಂದ ಎದುರಾಗಬಹುದಾದ ಯಾವುದೇ ಆತಂಕವನ್ನು ನಿರ್ವಹಿಸುವ ಮತ್ತು ವಾಸ್ತವ ಗಡಿ ರೇಖೆಯಲ್ಲಿ ಭದ್ರತೆ ಮಟ್ಟವನ್ನು ಹೆಚ್ಚಿಸುವ ಸಲುವಾಗಿ ಈ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ’ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
‘ಪಶ್ಚಿಮ ಚೀನಾ ಪ್ರದೇಶದಲ್ಲಿ ಹೊಸ ಯುದ್ಧ ವಿಮಾನಗಳು ಹಾರಾಡುತ್ತಿರುವ ಚಿತ್ರಗಳನ್ನು ಚೀನಾ ಸೇನೆ ಬಿಡುಗಡೆ ಮಾಡಿದೆ’ ಎಂದು ಬರೆಯಲಾಗಿದೆ.