ಮಜ್ಜಿಗೆ ಹುಳಿಯ ರುಚಿ

ಬುಧವಾರ, ಜೂನ್ 26, 2019
28 °C

ಮಜ್ಜಿಗೆ ಹುಳಿಯ ರುಚಿ

Published:
Updated:
Prajavani

‘ಮಜ್ಜಿಗೆ ಹುಳಿ’ ಎಂದಾಕ್ಷಣ ಹಲವರ ಬಾಯಲ್ಲಿ ನೀರೂರುತ್ತದೆ. ಈ ಶೀರ್ಷಿಕೆ ಇಟ್ಟುಕೊಂಡೇ ನಿರ್ಮಾಣವಾಗಿರುವ ಚಿತ್ರವೊಂದು ಇದೇ ಶುಕ್ರವಾರ ತೆರೆಕಾಣುತ್ತಿದೆ. ರವೀಂದ್ರ ಕೊಟಕಿ ಇದರ ನಿರ್ದೇಶಕರು. ಕಥೆ, ಸಾಹಿತ್ಯದ ನೊಗವನ್ನೂ ಅವರೇ ಹೊತ್ತಿದ್ದಾರೆ.

ಕೋಣೆಯೊಂದರಲ್ಲಿ ಒಂದು ರಾತ್ರಿ ನಡೆಯುವುದು ಕಥೆ ಇದು. 28 ಪಾತ್ರಗಳ ಸುತ್ತ ಕಥೆ ಸುತ್ತಲಿದೆಯಂತೆ. ಹೊಸ ಜೋಡಿಯೊಂದು ಮೊದಲ ರಾತ್ರಿ ಸುಖ ಅನುಭವಿಸಲು ಹೋಟೆಲ್‍ಗೆ ಹೋಗುತ್ತದೆ. ಆಗ ಅವರ ಬದುಕಿನಲ್ಲಿ ಏನೆಲ್ಲಾ ಅವಘಡಗಳು ಸಂಭವಿಸುತ್ತವೆ ಎನ್ನುವುದೇ ‘ಮಜ್ಜಿಗೆ ಹುಳಿ’ಯ ಹೂರಣ. ಇದಕ್ಕೆ ನಿರ್ದೇಶಕರು ಹಾಸ್ಯದ ಲೇಪನ ಹಚ್ಚಿದ್ದಾರೆ.

‘ಚಿತ್ರದಲ್ಲಿ ಬಾಡೂಟ ಇದೆ ಎಂದು ಬರುವವರಿಗೆ ಮಜ್ಜಿಗೆ ಹುಳಿ ಸಿಗುವುದು ಗ್ಯಾರಂಟಿ’ ಎಂದು ನಕ್ಕರು ನಿರ್ದೇಶಕ ರವೀಂದ್ರ ಕೊಟಕಿ.

ಯೋಗರಾಜ ಭಟ್ಟರು ಚಿತ್ರದ ಒನ್ ಲೈನ್ ಸ್ಟೋರಿ ಕೇಳಿ ಪ್ರಾರಂಭ ಮತ್ತು ಅಂತ್ಯಕ್ಕೆ ಹಿನ್ನೆಲೆ ಧ್ವನಿ ನೀಡಿದ್ದಾರಂತೆ.

ದೀಕ್ಷಿತ್‌ ವೆಂಕಟೇಶ್‌ ಈ ಚಿತ್ರದ ನಾಯಕ. ಚಿತ್ರದಲ್ಲಿ ಅವರು ಮುಗ್ಧ ಹಾಗೂ ಸೂಕ್ಷತೆ ಇರುವ ಹುಡುಗನಾಗಿ ಕಾಣಿಸಿಕೊಂಡಿದ್ದಾರೆ. 

ನಾಯಕಿ ರೂ‍ಪಿಕಾ, ‘ನಾನು ಮೂಲತಃ ಡಾನ್ಸರ್‌. ಮೊದಲ ಬಾರಿಗೆ ಈ ಚಿತ್ರದಲ್ಲಿ ಟಪ್ಪಾಂಗುಚ್ಚಿ ಹಾಡಿಗೆ ಹೆಜ್ಜೆ ಹಾಕಿರುವೆ. ಕಾಮಿಡಿ ಚಿತ್ರದಲ್ಲಿ ನಟಿಸುತ್ತಿರುವುದು ಸಂತಸ ತಂದಿದೆ’ ಎಂದು ಹೇಳಿಕೊಂಡರು.

‘ಹೆಣ್ಣುಮಕ್ಕಳಿಗೂ ಮತ್ತು ಸಮಾಜಕ್ಕೆ ಉತ್ತಮ ಸಂದೇಶ ನೀಡಲಾಗಿದೆ. ಸಂಭಾಷಣೆ ಬೋಲ್ಡ್ ಆಗಿದೆ. ಗಂಡನಿಗೆ ಕಷ್ಟಬಂದಾಗ ಅವರಿಗೆ ರಕ್ಷಣೆ ನೀಡುವುದು ನನ್ನ ಪಾತ್ರ’ ಎಂದು ಗುಟ್ಟು ಬಿಟ್ಟುಕೊಟ್ಟರು.

ಚಿತ್ರಕ್ಕೆ ಎಸ್. ರಾಮಚಂದ್ರ ಮತ್ತು ರಘುರಾಜು ಬಂಡವಾಳ ಹೂಡಿದ್ದಾರೆ. 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !