‘ಮನ್‌ಮರ್ಜಿಯಾ’ದಲ್ಲಿತ್ರಿಕೋನ ಅನುರಾಗ

7

‘ಮನ್‌ಮರ್ಜಿಯಾ’ದಲ್ಲಿತ್ರಿಕೋನ ಅನುರಾಗ

Published:
Updated:
Deccan Herald

ಅಭಿಷೇಕ್‌ ಬಚ್ಚನ್‌, ವಿಕಿ ಕೌಶಲ್‌ ಮತ್ತು ತಾಪ್ಸಿ ಪನ್ನು ಅಭಿನಯದ ‘ಮನ್‌ಮರ್ಜಿಯಾ’ದ ಕತೆಯನ್ನು ಮೊನ್ನೆಯಷ್ಟೇ ಬಿಡುಗಡೆಯಾದ ಅದರ ಟ್ರೇಲರ್‌ ಬಹಿರಂಗಗೊಳಿಸಿದೆ. ಚಿತ್ರದಲ್ಲಿ ತ್ರಿಕೋನ ಪ್ರೇಮಾನುರಾಗದ ಹೂರಣವಿರುವ ಕಾರಣ ರೊಮ್ಯಾಂಟಿಕ್‌ ಕಮರ್ಷಿಯಲ್‌ ಚಿತ್ರವಾಗಿ ಹೊರಹೊಮ್ಮಲಿರುವುದು ಖಚಿತವಾಗಿದೆ.

‘ಪ್ರೇಮ ಯಾವತ್ತೂ ಸಮಸ್ಯಾತ್ಮಕವಲ್ಲ, ಜನರು ಅದನ್ನು ಹಾಗೆ ಮಾಡುತ್ತಾರೆ ಅಷ್ಟೇ’ ಎಂಬ ತಮ್ಮ ನಿಲುವನ್ನು ಅನುರಾಗ್‌ ಕಶ್ಯಪ್‌ ‘ಮನ್‌ಮರ್ಜಿಯಾ’ದಲ್ಲಿ ಹೇಳಿಬಿಟ್ಟಿದ್ದಾರೆ. 

ಯುವಕನೊಬ್ಬ ಯುವತಿಯೊಬ್ಬಳನ್ನು ಭೇಟಿಯಾಗುವುದು, ಅನುರಾಗ ಅರಳುವುದು, ಅವಳ ಮೇಲಿನ ಅತಿಯಾದ ವ್ಯಾಮೋಹ ಮತ್ತು ಬದ್ಧತೆಯನ್ನು ನಿರೂಪಿಸುತ್ತಲೇ ಇರುತ್ತಾನೆ. ಇದೊಂದು ರೀತಿಯ ಮಾನಸಿಕ ಕ್ಷೋಭೆ ಎಂದು ನಿರ್ದೇಶಕರು ಚಿತ್ರಿಸುವ ಮೂಲಕ ಸೆಂಟಿಮೆಂಟ್‌ ತುಂಬಿದ್ದಾರೆ. ವಿಕಿ ಮತ್ತು ತಾಪ್ಸಿ ಅವರ ನಡುವಿನ ಕೆಮಿಸ್ಟ್ರಿಯನ್ನು ನಿರ್ದೇಶಕರು ಚೆನ್ನಾಗಿಯೇ ದುಡಿಸಿಕೊಂಡಿದ್ದಾರೆ. ಹೀಗಿರುವಾಗ, ಅವಳ ಹೆತ್ತವರು ಬೇರೆ ಯುವಕನೊಂದಿಗೆ ಮದುವೆ ಗೊತ್ತು ಮಾಡುತ್ತಾರೆ. ಹೀಗೆ ಅಭಿಷೇಕ್‌ ಬಚ್ಚನ್‌ ಎಂಟ್ರಿ ಆಗುತ್ತಾರೆ.

ಚಿತ್ರಕತೆ ಚಿತ್ರರಂಗಕ್ಕೆ ಹಳೆಯದೇ ಆದರೂ ಸಂಭಾಷಣೆಗಳು ಮತ್ತು ಸನ್ನಿವೇಶಗಳ ಮೂಲಕ ಹೊಸತನವನ್ನು ಕಟ್ಟಿಕೊಡುವ ಪ್ರಯತ್ನವನ್ನು ಕಶ್ಯಪ್‌ ಮಾಡಿದ್ದಾರೆ. ವಿಕಿಯ ಎಂಟ್ರಿಯೇ ಆಕರ್ಷಕವಾಗಿದೆ. ‘ಮುಲ್ಕ್‌’ನಲ್ಲಿ ವಕೀಲೆಯ ಪಾತ್ರದಲ್ಲಿ ಮೆಚ್ಚುಗೆ ಗಳಿಸಿರುವ ತಾಪ್ಸಿ ಇಲ್ಲಿ ‘ರುಮಿ’ಯಾಗಿ ಮಿಂಚುವ ಪ್ರಯ‌ತ್ನ ಮಾಡಿದ್ದಾರೆ. ಎರಡು ವರ್ಷಗಳ ಬಳಿಕ ಬಣ್ಣ ಹಚ್ಚಿರುವ ಜೂನಿಯರ್‌ ಬಚ್ಚನ್‌ ಟ್ರೇಲರ್‌ನಲ್ಲಿ ಮಿಂಚಿದ್ದಾರೆ. ಟ್ರೇಲರ್‌ನಲ್ಲಿ ಬರುವ ಹಾಡು ಆಹ್ಲಾದಕರವಾಗಿದ್ದು, ಆಡಿಯೊ ಬಿಡುಗಡೆಗಾಗಿ ಕಾಯುವಂತೆ ಮಾಡಿದೆ. ಸೆಪ್ಟೆಂಬರ್‌ 14ರಂದು ಚಿತ್ರ ತೆರೆಕಾಣುವ ಸಾಧ್ಯತೆಯಿದೆ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !