‘ಮಾಯಾ ಕನ್ನಡಿ’ಯಲ್ಲಿ ಬ್ಲೂವೇಲ್‌ ನೋಟ

ಗುರುವಾರ , ಮೇ 23, 2019
28 °C

ಫಲಿತಾಂಶ (ಮುನ್ನಡೆ+ಗೆಲುವು) 0/542LIVE

‘ಮಾಯಾ ಕನ್ನಡಿ’ಯಲ್ಲಿ ಬ್ಲೂವೇಲ್‌ ನೋಟ

Published:
Updated:

ದುಬೈನ ವಾಯುಯಾನ ಸಂಸ್ಥೆಯಲ್ಲಿ ಫ್ಲೈಟ್‌ ಆಪರೆಟಿಂಗ್‌ ಕೆಲಸ ಮಾಡಿಕೊಂಡಿರುವ ಮಂಗಳೂರು ಮೂಲದ ವಿನೋದ್‌ ಪೂಜಾರಿ ಸಿನಿಮಾ ಕ್ಷೇತ್ರದಲ್ಲಿನ ಆಸಕ್ತಿಯಿಂದಾಗಿ ಇದೇ ಮೊದಲ ಬಾರಿಗೆ ಸಿನಿಮಾ ನಿರ್ದೇಶನಕ್ಕೂ ಕೈಹಚ್ಚಿದ್ದಾರೆ. ‘ಮಾಯಾ ಕನ್ನಡಿ’ಗೆ  ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಸೆನ್ಸಾರ್‌ ಮಂಡಳಿಯ ಒಪ್ಪಿಗೆಗೆ ಕಾಯುತ್ತಿದ್ದಾರೆ.

ಚಿತ್ರತಂಡದೊಂದಿಗೆ ಸುದ್ದಿಗೋಷ್ಠಿಗೆ ಹಾಜರಾಗಿದ್ದ ನಿರ್ದೇಶಕ ವಿನೋದ್‌ ಪೂಜಾರಿ, ಜಗತ್ತಿನೆಲ್ಲಡೆ ಸದ್ದು ಮಾಡಿದ್ದ ಬ್ಲೂವೇಲ್‌ ಗೇಮ್‌ನಿಂದಾಗಿ ನೂರಾರು ಯುವಜನರು ಆತ್ಮಹತ್ಯ ಮಾಡಿಕೊಂಡಿದ್ದರು. ವಿದ್ಯಾರ್ಥಿಗಳ ಮೇಲೆ ಇದು ಬೀರಿದ ಪರಿಣಾಮ ಮತ್ತು ಈ ಆಟ ತಂದೊಡ್ಡಿದ ಅನಾಹುತದ ಬಗ್ಗೆ ಅಧ್ಯಯನ ನಡೆಸಿ, ನೈಜ ಘಟನೆ ಆಧರಿಸಿ  ಸಸ್ಪೆನ್ಸ್‌ ಮತ್ತು ಥ್ರಿಲ್ಲರ್‌ ಆಗಿರುವ ಕಥೆ ಹೆಣೆದು ಸಿನಿಮಾ ಮಾಡಿದ್ದೇವೆ. ಕಾಲೇಜು ಕ್ಯಾಂಪಸ್‌ನಲ್ಲಿ ವಿದ್ಯಾರ್ಥಿಗಳು ಸರಣಿ ಆತ್ಮಹತ್ಯೆಯ ಸುತ್ತಲಿನ ಕಥೆ ಇದು ಎಂದು ಮಾತು ಆರಂಭಿಸಿದರು. ಮುಂಬೈನಲ್ಲಿ ಕಿರುಚಿತ್ರ ಮಾಡಿದ ಅನುಭವ ಮತ್ತು ಅಮೆರಿಕದಲ್ಲಿ ಚಿತ್ರ ನಿರ್ಮಾಣದ ಕೋರ್ಸ್‌ ಕಲಿತು ಸಿನಿಮಾ ನಿರ್ಮಾಣಕ್ಕೆ ಇಳಿದಿದ್ದೇನೆ. 35 ದಿನಗಳಲ್ಲಿ ಚಿತ್ರೀಕರಣ ಮುಗಿಸಿದ್ದೇನೆ ಎನ್ನುವ ಮಾತು ಸೇರಿಸಿದರು ಪೂಜಾರಿ.

ಊರ್ವಿ, ರಿಲ್ಯಾಕ್ಸ್‌ ಸತ್ಯ, ಡಬಲ್‌ ಎಂಜಿನ್‌, ತೆರೆ ಕಾಣಬೇಕಿರುವ ಮಂಜರಿ, ಮೈಸೂರು ಡೈರಿ, ಡಾಟರ್‌ ಆಫ್‌ ಪಾರ್ವತಮ್ಮ, ಅಂಜಲಿ ಪಾಪ, ರಾಂಚಿ ಸಿನಿಮಾಗಳಲ್ಲಿ ನಟಿಸಿರುವ ಪ್ರಭು ಮುಂಡ್ಕೂರು ‘ಮಾಯಾ ಕನ್ನಡಿ’ಯಲ್ಲಿ ಕಾಲೇಜು ಸ್ಟೂಟೆಂಡ್‌ ಪಾತ್ರ ಮಾಡಿರುವುದಾಗಿ ಹೇಳಿದರು. ತುಳು ಚಿತ್ರದ ನಟಿ ಅನ್ವಿತಾ ಸಾಗರ್‌, ಕಾಲೇಜು ಕೌನ್ಸಿಲರ್‌ ಪಾತ್ರದಲ್ಲಿ, ‘ಕಿರಿಕ್’ ಸಿನಿಮಾ ಖ್ಯಾತಿಯ ಅಶ್ವಿನ್‍ ರಾವ್‌ ಪಲ್ಲಕ್ಕಿ ವಿಲನ್‌ ವಿದ್ಯಾರ್ಥಿಯಾಗಿ ಕಾಣಿಸಿಕೊಂಡಿದ್ದಾರೆ. ನಿರ್ದೇಶಕ ಮತ್ತು ನಟ ಕೆ.ಎಸ್‌.ಶ್ರೀಧರ್‌ ಅವರು ಕಾಲೇಜಿನ ಟ್ರಸ್ಟಿ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

ಈ ಚಿತ್ರಕ್ಕೆ ಸಪ್ನಾ ಪಾಟೀಲ್‌, ರಂಜಿತ್‌ ಬಜ್ಪೆ ಆರ್ಥಿಕ ಇಂಧನ ಒದಗಿಸಿದ್ದಾರೆ. ತಾರಾಗಣದಲ್ಲಿ ಅನೂಪ್‍ಸಾಗರ್, ಕಾರ್ತಿಕ್‍ರಾವ್, ಶ್ರೀಶ್ರೇಯಾ ಇದ್ದಾರೆ.

ಅಭಿಷೇಕ್, ರಜನೀಶ್‍ ಅಮಿನ್, ಕೀರ್ತನ್‍ ಭಂಡಾರಿ ಸಾಹಿತ್ಯದ ಐದು ಗೀತೆಗಳಿಗೆ ಅಭಿಷೇಕ್.ಎಸ್.ಎನ್ ಸಂಗೀತ ಸಂಯೋಜಿಸಿ, ಹೊಸಬರಿಂದ ಹಾಡಿಸಿದ್ದಾರೆ. ಸಂಭಾಷಣೆ ಮಂಡ್ಯ ಮಂಜು, ಸಂಕಲನ ಸುಜಿತ್‍ನಾಯಕ್,  ಛಾಯಾಗ್ರಹಣ ಮನಿಕೂಕಲ್‍ನಾಯರ್, ಹಿನ್ನಲೆ ಸಂಗೀತ ಆನಂದ್‍ರಾಜ್ ಅವರದು. 

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !