‘ಮೇಡ್‌ ಇನ್‌ ಚೀನಾ’ದಲ್ಲೂ ಮೌನಿ ರಾಯ್‌

ಹಾಸ್ಯದ ರಸದೌತಣವನ್ನೇ ಉಣಬಡಿಸುವ ಆಶ್ವಾಸನೆಯೊಂದಿಗೆ ಸುದ್ದಿ ಮಾಡುತ್ತಿರುವ ‘ಮೇಡ್ ಇನ್‌ ಚೈನಾ’ ಚಿತ್ರದಲ್ಲಿ, ನಾಯಕ ರಾಜ್‌ಕುಮಾರ್‌ ರಾವ್ ಪತ್ನಿಯಾಗಿ ಮೌನಿ ನಟಿಸಲಿದ್ದಾರೆ. ಈ ಸುದ್ದಿಯನ್ನು ಸ್ವತಃ ಮೌನಿಯೇ ಸಾಮಾಜಿಕ ಜಾಲತಾಣಗಳಲ್ಲಿ ಹೇಳಿಕೊಂಡಿದ್ದಾರೆ.

ಚಿತ್ರದಲ್ಲಿ ರಾಜ್‌ಕುಮಾರ್‌ ಗುಜರಾತಿ ಉದ್ಯಮಿಯ ಗೆಟಪ‍್ಪಿನಲ್ಲೂ, ಮೌನಿ ಮುಂಬೈ ಯುವತಿಯ ಗೆಟಪ್ಪಿನಲ್ಲೂ ಮಿಂಚಲಿದ್ದಾರೆ. ಮದುವೆಯಾದ ಬಳಿಕ ದಂಪತಿ ಅಹಮದಾಬಾದ್‌ನಲ್ಲಿ ನೆಲೆಸುತ್ತಾರೆ. ಹೀಗಾಗಿ,ಚಿತ್ರದ ಚಿತ್ರೀಕರಣ ಮುಂಬೈ, ಗುಜರಾತ್‌ ಮತ್ತು ಚೀನಾದಲ್ಲಿ ನಡೆಯಲಿದೆ. ಇದೇ ಸೆಪ್ಟೆಂಬರ್‌ನಲ್ಲಿ ಚಿತ್ರ ತೆರೆ ಕಾಣುವ ನಿರೀಕ್ಷೆಯಿದೆ.