ಸಕ್ಸೆಸ್‌ ಫಿಲ್ಮ್ಸ್ ಲಾಂಛನದ ಅಡಿ ಸುಧೀರ್‌ ಅತ್ತಾವರ ನಿರ್ದೇಶನದ ‘ಮೃತ್ಯೋರ್ಮಾ ಅಮೃತಂಗಮಯ’ ಚಿತ್ರವು ರಾಜಸ್ಥಾನ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರಾದೇಶಿಕ ಚಿತ್ರಗಳ ವಿಭಾಗದಲ್ಲಿ ಪ್ರದರ್ಶನಕ್ಕೆ ಆಯ್ಕೆಯಾಗಿದೆ.
ಬಿಡಿಟಿ ಅಭಿಯಂತರರ ಚಿತ್ರ ಪ್ರೊಡಕ್ಷನ್ಸ್‌ ಅಡಿ ತ್ರಿವಿಕ್ರಮ ಬೆಳ್ತಂಗಡಿ ಅವರು ಈ ಚಿತ್ರ ನಿರ್ಮಿಸಿದ್ದಾರೆ. ಮಾರ್ಚ್‌ 25ರಿಂದ 30ರವರೆಗೆ ರಾಜಸ್ಥಾನದ ಜೋಧ್‌ಪುರದಲ್ಲಿ ಈ ಚಿತ್ರೋತ್ಸವ ನಡೆಯಲಿದೆ.
‘ಮೃತ್ಯೋರ್ಮಾ ಅಮೃತಂಗಮಯ’ ಚಿತ್ರದಲ್ಲಿ ರಾಕೇಶ್‌ ಅಡಿಗ,ಹರ್ಷಿಕಾ ಪೂಣಚ್ಚ, ಉಷಾ ಉತ್ತುಪ್‌, ಸ್ಮಿತಾ ತಾರಾಗಣದಲ್ಲಿದ್ದಾರೆ. ವೀರಸಮರ್ಥ್ ಮತ್ತು ರವಿ ಬಸ್ರೂರು ಸಂಗೀತವಿದೆ. ಆನಂದ ಅರಸು ಅವರ ಛಾಯಾಗ್ರಹಣ ಇದೆ.
