ಮುಗ್ಧಾ ಸೌಂದರ್ಯ ಮೀಮಾಂಸೆ

7

ಮುಗ್ಧಾ ಸೌಂದರ್ಯ ಮೀಮಾಂಸೆ

Published:
Updated:
Deccan Herald

ಹೀರೋಯಿನ್‌, ವಿಲ್‌ ಯು ಮ್ಯಾರಿ ಮಿ? ಆಲ್‌ ದಿ ಬೆಸ್ಟ್‌, ಫನ್‌ ಬಿಗಿನ್ಸ್‌ ಹೀಗೆ ಹಲವಾರು ಬಾಲಿವುಡ್‌ ಸಿನಿಮಾಗಳಲ್ಲಿ ನಟಿಸಿರುವ ಮುಗ್ಧಾ ಗೋಡ್ಸೆ ಜನಪ್ರಿಯವಾಗಿದ್ದು ಫ್ಯಾಷನ್‌ ಸಿನಿಮಾದ ಮೂಲಕ. ನಗರದಲ್ಲಿ ಇತ್ತೀಚೆಗೆ ನಡೆದ ‘ಮೇರಿ ಕ್ಲೇರ್‌’ ಬ್ಯೂಟಿಪಾರ್ಲರ್‌ ಉದ್ಘಾಟನೆಗೆ ಬಂದಿದ್ದ ಕೃಷ್ಣಸುಂದರಿ ಮುಗ್ಧಾ ಗೋಡ್ಸೆ ಅವರು ಸೌಂದರ್ಯದ ಬಗ್ಗೆ ಮಾತಿಗಿಳಿದಾಗ...

ಸೌಂದರ್ಯ ಎಂದರೆ?
ನನ್ನ ಪ್ರಕಾರ ಸೌಮ್ಯ ಮತ್ತು ಆತ್ಮವಿಶ್ವಾಸದ ಸಂಯೋಜನೆಯೇ ಸೌಂದರ್ಯ. ಎಲ್ಲರೂ ನೋಡಲಿ, ಎಲ್ಲರ ನಡುವೆ ಎದ್ದು ಕಾಣಲಿ ಎಂದು ಬಯಸುವುದು ತಪ್ಪಲ್ಲ. ಆದರೆ ಅದು ಉದ್ದೇಶಪೂರಕವಾಗಿರಬಾರದು. ಇಷ್ಟಕ್ಕೂ ಸೌಂದರ್ಯವೆಂದರೆ ನಿಮ್ಮ ಕಣ್ಣು, ಬಣ್ಣ, ಗಾತ್ರ ಅಲ್ಲ. ಮುಗ್ಧ ನಗು, ಆತ್ಮವಿಶ್ವಾಸದ ನಿಲುವು ಹಾಗೂ ನಿಮ್ಮಲ್ಲಿಯ ಸಕಾರಾತ್ಮಕ ಭಾವಗಳೇ ಸೌಂದರ್ಯ. ಅಲಂಕಾರಕ್ಕಿಂತಲೂ ಹೆಚ್ಚು ಎದ್ದು ಕಾಣುವುದು ನಿಮ್ಮ ಆಂತರ್ಯದ ಭಾವಗಳೇ ಎನ್ನುವುದು ನೆನಪಿರಲಿ.

ಬ್ಯೂಟಿಪಾರ್ಲರ್‌ ಅಗತ್ಯವಿದೆಯೇ?
ಬ್ಯೂಟಿಪಾರ್ಲರ್‌ ನೈಸರ್ಗಿಕ ಸೌಂದರ್ಯಕ್ಕೆ ಮತ್ತಷ್ಟು ಮೆರುಗು ನೀಡುತ್ತಿದೆ. ನಮ್ಮ ಕೂದಲ ಪೋಷಣೆಯಿಂದ ಆರಂಭಿಸಿ, ನಿಮ್ಮ ಲುಕ್‌ಗೆ ಹೊಂದುವಂಥ ಅಲಂಕಾರವನ್ನು ಸೂಚಿಸುತ್ತದೆ. ನೀವೇನಾಗಿರುವಿರಿ ಎನ್ನುವುದು, ನಿಮ್ಮನ್ನು ನೀವು ಹೇಗೆ ಪ್ರಸ್ತುತ ಪಡಿಸುವಿರಿ ಎನ್ನುವುದನ್ನೂ ಅವಲಂಬಿಸಿರುತ್ತದೆ. ಪಾರ್ಲರ್‌ಗಳು ಕೆಲ ಮಟ್ಟಿಗೆ ನಿಮ್ಮಲ್ಲಿ ಆತ್ಮವಿಶ್ವಾಸ ತುಂಬುವ ಕೆಲಸವನ್ನೂ ಮಾಡುತ್ತವೆ. ನಾನು ಮಾಡೆಲ್‌ ಮತ್ತು ನಟಿಯೂ ಆಗಿರುವುದರಿಂದ ಬ್ಯೂಟಿಪಾರ್ಲರ್‌ ನಮ್ಮ ಲುಕ್‌ ಅನ್ನು ಹೆಚ್ಚು ಅಂದಗಾಣಿಸುವಂತೆ ಮಾಡುತ್ತದೆ ಎನ್ನುವುದನ್ನು ಸ್ಪಷ್ಟವಾಗಿ ಹೇಳಬಲ್ಲೆ. ಸಂದರ್ಭಕ್ಕೆ ತಕ್ಕಂತೆ ಕಾಣಲು ಇದು ಹೆಚ್ಚು ಸಹಾಯ ಮಾಡುತ್ತದೆ. .

ಬಾಲಿವುಡ್‌ನಲ್ಲಿ ಕ್ಯಾಸ್ಟಿಂಗ್‌ ಕೌಚ್‌ ಬಗ್ಗೆ ಆಗಾಗ ಮಾತುಗಳು ಕೇಳಿ ಬರುತ್ತಲೇ ಇರುತ್ತದೆ. ಇದರ ಬಗ್ಗೆ ನಿಮ್ಮ ಅನಿಸಿಕೆ...
ಅಂತಹ ಯಾವ ಅನುಭವವೂ ನನಗಾಗಿಲ್ಲ. ಹಾಗಾಗಿ ಈ ಕುರಿತು ನಾನು ಏನು ಮಾತನಾಡಲೂ ಬಯಸುವುದಿಲ್ಲ. ಅಂತಹ ಕೆಟ್ಟ ಅನುಭವಗಳು ಯಾವ ಕ್ಷೇತ್ರದಲ್ಲಿಲ್ಲ ಹೇಳಿ? ಎಲ್ಲೆಡೆಯೂ ಇರುತ್ತದೆ. ಸಿನಿಮಾ ಅಥವಾ ಮನರಂಜನಾ ಕ್ಷೇತ್ರ ಎಂದರೆ ಒಂದಷ್ಟು ಹೆಚ್ಚಿನ ಮಹತ್ವ ದೊರೆಯುತ್ತದೆ ಅಷ್ಟೆ! ಇಂಥ ಅನುಭವ ನನಗಿಲ್ಲದಿರುವುದೇ ಅದೃಷ್ಟ ಎನ್ನಬಹುದು.

ಮೇರಿ ಕ್ಲೇರ್‌ ವಿಶೇಷತೆ ಏನು?
ಇತ್ತೀಚಿನ ದಿನಗಳಲ್ಲಿ ಮಹಿಳೆಯರು ಮತ್ತು ಪುರುಷರು ಬ್ಯೂಟಿಪಾರ್ಲರ್‌ಗಳತ್ತ ಗಮನ ಹರಿಸುತ್ತಿದ್ದಾರೆ. ಪ್ರತಿಯೊಂದಕ್ಕೂ ಬ್ಯೂಟಿ ಪಾರ್ಲರ್‌ಗಳನ್ನು ಅವಲಂಭಿಸುವುದುಂಟು. ಮೇರಿ ಕ್ಲೇರ್‌ ಪ್ರಾಕೃತಿಕ ಸೌಂದರ್ಯವನ್ನು ತನ್ನ ಮಳಿಗೆಯಲ್ಲಿ ರಚಿಸಿದೆ. ಈ ಪಾರ್ಲರ್‌ ಒಳಗೆ ಬಂದರೆ ಸುತ್ತಲು ಹಸಿರಿನ ಗಿಡಗಳು, ಹಿತವಾದ ಸಂಗೀತ ಇವೆಲ್ಲವೂ ನಮ್ಮನ್ನು ಆಕರ್ಷಿಸುತ್ತದೆ. ಪ್ಯಾರಿಸ್‌ನಲ್ಲಿ ಖ್ಯಾತಿಯಾಗಿರುವ ‘ಮೇರಿ ಕ್ಲೇರ್‌’ ಬ್ಯೂಟಿಪಾರ್ಲರ್‌ನ ಮೊದಲ ಘಟಕ ಬೆಂಗಳೂರಿನಲ್ಲಿ ಆರಂಭವಾಗುತ್ತಿರುವುದೇ ವಿಶೇಷತೆ. 

ಬೆಂಗಳೂರು ಹೇಗನ್ನಿಸುತ್ತಿದೆ?
ಸುಂದರವಾಗಿರುವ ಊರಿದು. ಸುತ್ತಲು ಹಸಿರು, ತಣ್ಣನೆಯ ಗಾಳಿ ಹೀಗೆ ವರ್ಷವಿಡೀ ತಂಪಾಗಿರುವ ಪ್ರದೇಶ ಇದು. ಬೆಂಗಳೂರು ನನ್ನ ಇಷ್ಟದ ಸ್ಥಳಗಳಲ್ಲಿ ಒಂದಾಗಿದೆ. ನಾನು ಹಲವಾರು ಬಾರಿ ಬೆಂಗಳೂರಿಗೆ ಬಂದಿದ್ದೇನೆ.

ಮುಂದಿನ ಯೋಜನೆಗಳೇನು? 
 ವರ್ಕ್‌, ವರ್ಕ್‌ ಅಂಡ್‌ ವರ್ಕ್‌.

ಬರಹ ಇಷ್ಟವಾಯಿತೆ?

  • 0

    Happy
  • 2

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !