ನವದೆಹಲಿ (ಪಿಟಿಐ): ಭಾರತದಲ್ಲಿ ನೆಟ್ಫ್ಲಿಕ್ಸ್ ಚಂದಾ ಶುಲ್ಕದಲ್ಲಿ ಗರಿಷ್ಠ ಶೇಕಡ 60ರವರೆಗೆ ಕಡಿತ ಆಗಿದೆ. ಮಂಗಳವಾರದಿಂದ ಜಾರಿಗೆ ಬಂದಿರುವ ಹೊಸ ದರಗಳ ಅನ್ವಯ, ಮೊಬೈಲ್‌ ಮೂಲಕ ಮಾತ್ರ ನೆಟ್ಫ್ಲಿಕ್ಸ್ ವೀಕ್ಷಿಸುವ ಪ್ಲಾನ್‌ ಶುಲ್ಕವು ತಿಂಗಳಿಗೆ ₹ 149 ಆಗಿದೆ. ಈ ಮೊದಲು ಇದು ₹ 199 ಆಗಿತ್ತು.
ಬೇಸಿಕ್‌ ಪ್ಲಾನ್‌ಗೆ ತಿಂಗಳಿಗೆ ₹ 199 (ಮೊದಲು ₹ 499 ಇತ್ತು), ಸ್ಟ್ಯಾಂಡರ್ಡ್‌ ಪ್ಲಾನ್‌ಗೆ ₹ 499 (ಮೊದಲು ₹ 649) ಹಾಗೂ ಪ್ರೀಮಿಯಂ ಪ್ಲಾನ್‌ಗೆ ₹ 649 (ಮೊದಲು ₹ 799) ನಿಗದಿ ಮಾಡಲಾಗಿದೆ.
‘ಬೇಸಿಕ್‌ ಪ್ಲಾನ್‌ನಲ್ಲಿ ಅತಿಹೆಚ್ಚಿನ ಪ್ರಮಾಣದ ಕಡಿತ ಆಗಿದೆ’ ಎಂದು ನೆಟ್‌ಫ್ಲಿಕ್ಸ್‌ನ ಭಾರತದ ಉಪಾಧ್ಯಕ್ಷೆ ಮೋನಿಕಾ ಶೆರ್ಗಿಲ್ ತಿಳಿಸಿದ್ದಾರೆ.
