ಸರೋಜಿನಿ ನಾಯ್ಡು ಅವರ ಜೀವನ ಕಥೆ ಆಧರಿಸಿದ ‘ಸರೋಜಿನಿ’ ಚಿತ್ರದ ಪ್ರಧಾನ ಪಾತ್ರದಲ್ಲಿ ನಿಸರ್ಗ ಗೌಡ ಕಾಣಿಸಿಕೊಳ್ಳಲಿದ್ದಾರೆ.
ವಿಸಿಕಾ ಫಿಲ್ಮ್ಸ್ ಪ್ರೈವೆಟ್ ಲಿಮಿಟೆಡ್ನ ಚರಣ್ ಸುವರ್ಣ, ಹನಿ ಚೌಧರಿ ಈ ಚಿತ್ರದ ನಿರ್ಮಾಪಕರು. ವಿನಯಚಂದ್ರ ನಿರ್ದೇಶಕರು. ನಿಸರ್ಗ ಗೌಡ ಅವರು ಈಗಾಗಲೇ ಕನ್ನಡದ ಹಲವು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ನಿಸರ್ಗ ಅವರಿಗೆ ಈ ಚಿತ್ರದ ಪಾತ್ರದಲ್ಲಿ ಕಾಣಿಸಿಕೊಳ್ಳಲು ತುಂಬಾ ಖುಷಿಯಾಗಿದೆಯಂತೆ. ಈ ಪಾತ್ರ ತುಂಬಾ ಸವಾಲಿನದ್ದು. ಈ ಪಾತ್ರ ಹಳೆಯ ಕಾಲಘಟ್ಟದ್ದು. ಇನ್ನೂ ಇಂತಹ ಅವಕಾಶಗಳು ಈ ಸಿನಿಮಾದ ಮೂಲಕ ದೊರಕಲಿವೆ ಎಂಬ ಭರವಸೆಯಲ್ಲಿದ್ದಾರೆ.
ಚಿತ್ರದ ಪೋಸ್ಟರ್ ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆ ಪಡೆದಿದೆ. ಚಿತ್ರ ಬಹುಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ ಎಂದಿದೆ ಚಿತ್ರತಂಡ.