ಇಸ್ಲಾಹುದ್ದೀನ್‌ ಎನ್‌.ಎಸ್‌. ನಿರ್ದೇಶನದ ‘ನೋಡಿ ಸ್ವಾಮಿ ಇವನು ಇರೋದೆ ಹೀಗೆ’ ಚಿತ್ರದ ಟೀಸರ್‌ ಬಿಡುಗಡೆಯಾಗಿದ್ದು, ‘ಸಾಯಿ ಕುಮಾರ್‌’ ಎಂಬ ಪಾತ್ರದಲ್ಲಿ ರಿಷಿ ಇಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರೇಯಸಿ ಕೈಕೊಟ್ಟಾಗ ತನ್ನದೇ ಆಲೋಚನೆ, ಖಿನ್ನತೆಯ ಕೂಪದಲ್ಲಿ ಬಿದ್ದು, ಆತ್ಮಹತ್ಯೆ ಮಾಡಿಕೊಳ್ಳಲು ಹರಸಾಹಸ ಪಡುವ ಈತನ ಕಥೆಯೇ ಚಿತ್ರದ ಜೀವಾಳ. ರೈಲಿನಡಿ ಬಿದ್ದು, ತನಗೆ ತಾನೇ ಸುಪಾರಿ ನೀಡಿ, ಬಂದೂಕಿನಿಂದ ಶೂಟ್‌ ಮಾಡಿಕೊಂಡು ಆತ್ಮಹತ್ಯೆ ಮಾಡಿಕೊಳ್ಳಲು ‘ಸಾಯಿ ಕುಮಾರ್‌’ ಪಡುವ ಪಾಡು ಟೀಸರ್‌ನಲ್ಲಿ ಪ್ರೇಕ್ಷಕರನ್ನು ಸೆಳೆದಿದೆ.
