‘ಪಡಿ ಪಡಿ ಲೆಚೆ ಮನಸು’ ಮತ್ತು ‘ಕೃಷ್ಣಗಾಡಿ ವೀರ ಪ್ರೇಮ ಘಾದಾ’ ಚಿತ್ರ ನಿರ್ದೇಶಿಸಿದ್ದ ಹನು ರಾಘವಾಪುಡಿ ಅವರು ಪೂಜಾ ಹೆಗ್ಡೆಗೆ ಮಹಿಳಾ ಕೇಂದ್ರಿತ ಸಿನಿಮಾದ ಕಥೆಯ ಎಳೆಯನ್ನು ಹೇಳಿದ್ದಾರಂತೆ. ಆಕೆಗೂ ಇದು ಇಷ್ಟವಾಗಿದೆಯಂತೆ. ಆದರೆ, ಇನ್ನೂ ಇದರಲ್ಲಿ ನಟಿಸಲು ಆಕೆ ಒಪ್ಪಿಗೆ ಸೂಚಿಸಿಲ್ಲ. ಟಾಲಿವುಡ್ ಸಮಂತಾ ಅಕ್ಕಿನೇನಿ, ಅನುಷ್ಕಾ ಶೆಟ್ಟಿ ಅವರು ಈಗಾಗಲೇ ಮಹಿಳಾ ಕೇಂದ್ರಿತ ಸಿನಿಮಾಗಳಲ್ಲಿ ನಟಿಸಿ ಪ್ರೇಕ್ಷಕರಿಂದ ಸೈ ಎನಿಸಿಕೊಂಡಿದ್ದಾರೆ. ಪೂಜಾ ಕೂಡ ಅದೇ ಹಾದಿ ತುಳಿಯಲು ಸಿದ್ಧರಾಗಿದ್ದಾರೆ.