‘ರಾಮಾಯಣ’ದಲ್ಲಿ ಬಾಹುಬಲಿ ಪ್ರಭಾಸ್‌?

ಪ್ರಭಾಸ್‌ ಈ ಪಾತ್ರವನ್ನು ಒಪ್ಪಿಕೊಳ್ಳಲಿದ್ದಾರೆಯೇ ಎಂಬ ಕುತೂಹಲ ಈಗ ಎಲ್ಲರದ್ದು.‘ಸಾಹೋ ’ ಚಿತ್ರದ ಬಿಡುಗಡೆ ಬಳಿಕ ನಟ ಪ್ರಭಾಸ್‌ ಕೆ.ಕೆ. ರಾಧಾಕೃಷ್ಣ ಅವರ ಹಾಸ್ಯಪ್ರಧಾನ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದರಲ್ಲಿ ನಾಯಕಿ ಪೂಜಾ ಹೆಗ್ಡೆ.ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಪ್ರಭಾಸ್‌, ‘ಅತಿ ಹೆಚ್ಚು ಬಂಡವಾಳದ ಸಿನಿಮಾಗಳಿಂದ ನಾನು ಬಸವಳಿದಿದ್ದೇನೆ. ಆ ಸಿನಿಮಾಗಳು ಮುಗಿಯಲು ಬಹಳ ವರ್ಷಗಳನ್ನೇ ತೆಗೆದುಕೊಳ್ಳುತ್ತವೆ’ ಎಂದು ಹೇಳಿಕೊಂಡಿದ್ದರು.

ಇದನ್ನೂ ಓದಿ: ಪ್ರಭಾಸ್‌ 'ಸಾಹೊ' ಮೇಲೆ ಅಭಿಮಾನಿಗಳ ನಿರೀಕ್ಷೆ; ಟ್ವಿಟರ್‌ನಲ್ಲಿ ವಿಮರ್ಶೆಗಳ ಮಳೆ

ಆದರೆ ಪ್ರಭಾಸ್‌ ಅವರನ್ನು ಇಂತಹ ದೊಡ್ಡ ದೊಡ್ಡ ಸಿನಿಮಾಗಳೇ ಅರಸಿಕೊಂಡು ಬರುತ್ತಿವೆ. ಪೌರಾಣಿಕ ಸಿನಿಮಾ ‘ರಾಮಾಯಣ’ದಲ್ಲಿ ರಾವಣ ಪಾತ್ರ ಮಾಡುವಂತೆ ಪ್ರಭಾಸ್‌ ಅವರನ್ನು ಚಿತ್ರತಂಡ ಭೇಟಿ ಮಾಡಿ ಕೇಳಿಕೊಂಡಿದೆ ಎಂಬ ಸುದ್ದಿ ಕೇಳಿಬಂದಿದೆ.ಈ ಚಿತ್ರದಲ್ಲಿ ರಾಮನಾಗಿ ಹೃತಿಕ್ ರೋಷನ್‌ ನಟಿಸಲಿದ್ದು, ಸೀತೆಯಾಗಿ ದೀಪಿಕಾ ಪಡುಕೋಣೆ ಅಭಿನಯಿಸುತ್ತಿದ್ದಾರೆ.