ಇತ್ತೀಚೆಗೆ ಪ್ರಿಯಾಂಕಾ ಸಂದರ್ಶನವೊಂದರಲ್ಲಿ ತನ್ನ ಅಡುಗೆ ಕೌಶಲದ ಬಗ್ಗೆ ಹೇಳಿರುವ ಮಾತು ಕೌತುಕದ ಕೇಂದ್ರಬಿಂದುವಾಗಿದೆ. ಆಕೆಯ ಅಜ್ಜಿಗೆ ಪ್ರಿಯಾಂಕಾಳ ಮದುವೆ ಬಗ್ಗೆಯೇ ಚಿಂತೆ ಇತ್ತಂತೆ. 'ಆಕೆಗೆ ಅಡುಗೆ ಮಾಡಲು ಬರುವುದಿಲ್ಲ; ನನ್ನ ಮೊಮ್ಮಗಳನ್ನು ಯಾರು ಮದುವೆಯಾಗುತ್ತಾರೆ' ಎಂದು ಹೇಳುತ್ತಿದ್ದರಂತೆ. ಇದಕ್ಕೆ ಪ್ರಿಯಾಂಕಾ ಅವರ ತಂದೆ, 'ನೀನು ಅವಳ ಬಗ್ಗೆ ಚಿಂತಿಸಬೇಡ. ಮದುವೆಯಾದ ತಕ್ಷಣವೇ ಆಕೆಯ ಗಂಡನ ಮನೆಗೆ ಅಡುಗೆ ಮಾಡುವನನ್ನೂ ಕಳುಹಿಸುತ್ತೇನೆ' ಎಂದು ಹೇಳುತ್ತಿದ್ದರಂತೆ.