ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಯೂಟ್ಯೂಬ್‌ನಲ್ಲಿ ‘ರಾಜಮಾರ್ತಾಂಡ’ ಹವಾ: 4.50 ಲಕ್ಷಕ್ಕೂ ಅಧಿಕ ವೀವ್ಸ್

Last Updated 19 ಫೆಬ್ರುವರಿ 2021, 10:43 IST
ಅಕ್ಷರ ಗಾತ್ರ

ಬೆಂಗಳೂರು: ಆ್ಯಕ್ಷನ್‌ ಪ್ರಿನ್ಸ್‌ ಧ್ರುವ ಸರ್ಜಾ ನಟನೆಯ ಪೊಗರು ಚಿತ್ರದ ಬಿಡುಗಡೆ ದಿನವೇ ಯುವ ಸಾಮ್ರಾಟ್‌ ಚಿರಂಜೀವಿ ಸರ್ಜಾ ಅವರ ಅಭಿನಯದ ‘ರಾಜಮಾರ್ತಾಂಡ’ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದ್ದು, ಕೆಲವೇ ಗಂಟೆಗಳಲ್ಲಿ 4.50 ಲಕ್ಷಕ್ಕೂ ಅಧಿಕ ವ್ಯೂವ್ಸ್‌ಗಳನ್ನು ಪಡೆದಿದೆ.

ಅಪ್ಪನ ಚಿತ್ರದ ಟ್ರೇಲರ್‌ ಅನ್ನು ಮಗ ಜೂ.ಚಿರು ಬಿಡುಗಡೆ ಮಾಡಿದ್ದು, ಇದರ ತುಣುಕು ಟ್ರೇಲರ್‌ನ ಆರಂಭದಲ್ಲೇ ಇದೆ. ಅಮ್ಮ ಮೇಘನಾ ರಾಜ್‌ ಮಗನ ಪುಟಾಣಿ ಬೆರಳು ಹಿಡಿದು ಟ್ರೇಲರ್‌ ಆರಂಭಿಸುವ ದೃಶ್ಯ ಇದರಲ್ಲಿದೆ. ಚಿರಂಜೀವಿ ಸರ್ಜಾ ನಿಧನರಾದ ಕಾರಣ, ಚಿತ್ರಕ್ಕೆ, ತಮ್ಮ ಧ್ರುವ ಸರ್ಜಾ ಅವರು ಧ್ವನಿ ನೀಡಿದ್ದರು.

ಟ್ರೇಲರ್‌ನ ಆರಂಭಿಕ ಡೈಲಾಗ್‌ನಲ್ಲೇ ಅಣ್ಣನ ಆ್ಯಕ್ಷನ್‌ ಖದರ್‌ ಅನ್ನು ಧ್ವನಿ ಮೂಲಕ ಧ್ರುವ ತೆರೆ ಮೇಲೆ ತೋರಿಸಿದ್ದಾರೆ. ಟ್ರೇಲರ್‌ ಕೊನೆಯಲ್ಲಿ ‘ನಿಮ್ಮ ಪ್ರೀತಿ ಅಭಿಮಾನಕ್ಕೆ ನಾನು ಕೊನೆಯವರೆಗೂ ಚಿರಋಣಿ ಆಗಿರುತ್ತೇನೆ, ಜೈ ಶ್ರೀರಾಮ್‌, ಜೈ ಆಂಜನೇಯ’ ಎನ್ನುವ ಮೂಲಕ ಅಭಿಮಾನಿಗಳಿಗೆ ಚಿರು ಕೈಮುಗಿದಿದ್ದಾರೆ.

ಕೆ.ರಾಮ್‌ನಾರಾಯಣ್‌ ನಿರ್ದೇಶನದ ಈ ಚಿತ್ರವು ಶೀಘ್ರದಲ್ಲೇ ಚಿತ್ರವು ತೆರೆಯ ಮೇಲೆ ಬರಲಿದೆ. ‘ಈ ಚಿತ್ರದ ಬಗ್ಗೆ ಮೊದಲ ದಿನದಿಂದಲೂ ಚಿರು ಬಹಳ ಉತ್ಸುಕರಾಗಿದ್ದರು. ಉತ್ಸುಕರಾಗಿದ್ದರು ಎನ್ನುವುದಕ್ಕಿಂತ ಚಿತ್ರದಲ್ಲಿನ ತಮ್ಮ ಪಾತ್ರವನ್ನು ಎಷ್ಟು ಇಷ್ಟಪಟ್ಟು ಮಾಡುತ್ತಿದ್ದರು ಎಂದರೆ, ಸಿನಿಮಾ ಡೈಲಾಗ್‌ಗಳು ನಮಗೆ ಇಂದಿಗೂ ನೆನಪಿದೆ. ಈ ಸಿನಿಮಾ ಚಿರು ಅವರ ಮನಸ್ಸಿಗೆ ಹತ್ತಿರವಾಗಿತ್ತು. ತಮ್ಮ ಸಿನಿಮಾ ಬದುಕಿನಲ್ಲಿ ವಿಶೇಷವಾದ ಚಿತ್ರ ಎಂದು ಇದನ್ನು ಅಂದುಕೊಂಡಿದ್ದರು’ ಎಂದು ಮೇಘನಾ ಗುರುವಾರ ವಿಡಿಯೊವೊಂದರಲ್ಲಿ ಹೇಳಿದ್ದರು.

ಯೂಟ್ಯೂಬ್‌ ಲಿಂಕ್‌:

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT