ಇಸ್ಮಾರ್ಟ್‌ನಲ್ಲಿ ಇಬ್ಬರು ‘ರೆಡ್‌’ನಲ್ಲಿ ಮೂವರೇ?

ಈಗಾಗಲೇ ರೆಡ್ ಚಿತ್ರದ ಬಿಡುಗಡೆ ದಿನಾಂಕವನ್ನು ಪ್ರಕಟಿಸಿರುವ ಚಿತ್ರತಂಡ, ಇನ್ನೊಂದು ತಿಂಗಳ ಕಾಲ ಚಿತ್ರೀಕರಣ ನಡೆಯಲಿದೆ ಎಂದು ಹೇಳಿದೆ. ಈ ನಡುವೆ ಚಿತ್ರದ ಹೊಸ ಪೋಸ್ಟರ್ ಬಿಡುಗಡೆ ವೇಳೆ, ಕಾಲಿವುಡ್‌ನ ವಿಜಯ್ ನಟನೆಯ ‘ಬಿಗಿಲ್‌’ ಚಿತ್ರದಲ್ಲಿ ನಟಿಸಿದ್ದ ಅಮೃತಾ ಅಯ್ಯರ್‌ ಅವರೂ ಚಿತ್ರದಲ್ಲಿ ಇದ್ದಾರೆ ಎಂಬ ಸುಳುಹು ನೀಡಿದೆ.

ನಿವೇದಾ ಪೇತುರಾಜ್‌ ಹಾಗೂ ಮಾಳವಿಕ ಶರ್ಮ ಅವರು ಈ ಚಿತ್ರದಲ್ಲಿ ನಾಯಕ ನಟಿಯರಾಗಿ ನಟಿಸುತ್ತಿದ್ದಾರೆ ಎಂದು ಚಿತ್ರತಂಡ ಈಗಾಗಲೇ ಪ್ರಕಟಿಸಿದೆ. ಈಗ ಅಮೃತಾ ಅಯ್ಯರ್ ಅವರೂ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಎಂದು ಮಾಹಿತಿ ನೀಡಿದ ಮೇಲೆ ಮೂವರು ನಾಯಕಿಯರು ಇರುವುದು ಸ್ಪಷ್ಟವಾಗುತ್ತಿದೆ.

ಇಸ್ಮಾರ್ಟ್ ಶಂಕರ್ ಚಿತ್ರದಲ್ಲಿ ಕನ್ನಡತಿ ನಭಾ ನಟೇಶ್‌ ಹಾಗೂ ಬಾಲಿವುಡ್‌ನ ನಿಧಿ ಅಗರ್‌ವಾಲ್‌ ರಾಮ್‌ ಜೊತೆ ತೆರೆಹಂಚಿಕೊಂಡಿದ್ದರು. ಈಚೆಗೆ ಬಿಡುಗಡೆಯಾಗುತ್ತಿರುವ ಚಿತ್ರಗಳಲ್ಲಿ ಮೂವರು ಹೀರೊಯಿನ್‌ಗಳಿರುವುದು ಅಪರೂಪ. ಚಿತ್ರದ ಮೂಲಕ ರಾಮ್ ಹೊಸ ಪರಿಪಾಠ ಆರಂಭಿಸಲಿದ್ದಾರೆಯೇ ಎಂಬ ಮಾತುಗಳೂ ಟಾಲಿವುಡ್‌ನಲ್ಲಿ ಹರಿದಾಡುತ್ತಿವೆ.