‘ಡಿಸ್ಕೊ ರಾಜಾ’ಗೆ ರವಿತೇಜ ಗಾನ

‘ಡಿಸ್ಕೊ ರಾಜಾ’ ವಿಜ್ಞಾನದ ಕೌತುಕ ವಿಷಯಗಳ ಸುತ್ತ ಹೆಣೆಯಲಾದ ಕಾಲ್ಪನಿಕ ಚಿತ್ರ ಎಂದು ಹೇಳಲಾಗುತ್ತಿದೆ. ಹಾಡು ಈಗಾಗಲೇ ಟಾಲಿವುಡ್‌ನಲ್ಲಿ ಸದ್ದು ಮಾಡುತ್ತಿದೆ. ಹಾಡಿನ ವಿಡಿಯೊ ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ 13 ಲಕ್ಷ ಜನರು ಇದನ್ನು ವೀಕ್ಷಿಸಿದ್ದಾರೆ. ಈ ಹಾಡು ತುಂಬಾ ಮಜವಾಗಿದೆ.

ರವಿತೇಜ ಹಾಡು ಹಾಡುತ್ತಿರುವುದು ಇದೇ ಮೊದಲೇನಲ್ಲ. ಈ ಮೊದಲು ಪವರ್‌ ಮತ್ತು ಬಲುಪು ಚಿತ್ರಗಳಲ್ಲಿ ಹಾಡುವ ಮೂಲಕ ರವಿತೇಜ ಪ್ರೇಕ್ಷಕರನ್ನು ರಂಜಿಸಿದ್ದಾರೆ. ಟಾಲಿವುಡ್‌ನಲ್ಲಿ ಈ ವರ್ಷದ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ಒಂದಾದ ‘ಡಿಸ್ಕೊ ರಾಜಾ’ ಇದೇ ಜ.24ರಂದು ತೆರೆ ಕಾಣಲಿದೆ.