ತುಷಾರ್ ಹೀರಾನಂದನಿ ನಿರ್ದೇಶನದ ಈ ಸಿನಿಮಾವು, ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಅಭಿನಯದ ‘ಹೌಸ್ಫುಲ್ 4’ ಹಾಗೂ ರಾಜ್ಕುಮಾರ್ ರಾವ್ ನಟನೆಯ ‘ಮೇಡ್ ಇನ್ ಚೀನಾ’ ಸಿನಿಮಾಗಳ ಬಿಡುಗಡೆ ಸಮಯದಲ್ಲೇ ತೆರೆಗೆ ಬಂದಿತ್ತು. ಸ್ಟಾರ್ ನಟರ ಸಿನಿಮಾಗಳ ಮುಂದೆ ತಾಪ್ಸಿ ಹಾಗೂ ಭೂಮಿ ನಟನೆಯ ಸಿನಿಮಾವು ನೆಲಕಚ್ಚುತ್ತದೆ ಎಂದು ಎಲ್ಲರೂ ಭಾವಿಸಿದ್ದರು. ಚಿತ್ರ ಬಿಡುಗಡೆಯ ಪ್ರಾರಂಭದ ದಿನದ ಗಳಿಕೆಯೂ ಅದನ್ನು ಪುಷ್ಠೀಕರಿಸಿತ್ತು. ಆದರೆ, ಮೈಕೊಡವಿ ನಿಂತ ಈ ಸಿನಿಮಾವು ದೇಶದ ಪ್ರಮುಖ ಮೆಟ್ರೊ ನಗರಗಳಲ್ಲಿ ಸಾಕಷ್ಟು ಸಿನಿಪ್ರಿಯರನ್ನು ಚಿತ್ರಮಂದಿರಗಳತ್ತ ಸೆಳೆದಿದೆ.