‘ಸೈನಾ’ ಪಾತ್ರಕ್ಕೆ ಜೀವ ತುಂಬಿದ ಶ್ರದ್ಧಾ

7

‘ಸೈನಾ’ ಪಾತ್ರಕ್ಕೆ ಜೀವ ತುಂಬಿದ ಶ್ರದ್ಧಾ

Published:
Updated:
Deccan Herald

ಭಾರತದ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಅವರ ಜೀವನಕತೆಯನ್ನಾಧರಿಸಿದ ‘ಸೈನಾ’ ಚಿತ್ರದ ಫಸ್ಟ್‌ಲುಕ್‌ ಬಿಡುಗಡೆಯಾಗಿದ್ದು, ನಟಿ ಶ್ರದ್ಧಾ ಕಪೂರ್‌ ಪಾತ್ರಕ್ಕೆ ಜೀವ ತುಂಬಿದಂತೆ ಕಾಣಿಸಿಕೊಂಡಿದ್ದಾರೆ.

‘ಸೈನಾ’ ಫಸ್ಟ್‌ಲುಕ್‌ ಅನ್ನು ಶ್ರದ್ಧಾ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇದಕ್ಕೆ ಅಭಿಮಾನಿಗಳಿಂದ ಅಪಾರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಬ್ಯಾಡ್ಮಿಂಟನ್‌ ಆಟದಲ್ಲಿ ಗೆದ್ದು ಸಂಭ್ರಮಿಸಿರುವಂತೆ ಶ್ರದ್ಧಾ ಕಾಣಿಸಿಕೊಂಡಿದ್ದು, ಸೈನಾ ಅವರನ್ನೇ ನೆನಪಿಸುತ್ತಾರೆ. ಬಿಳಿ, ಕೆಂಪು ಟೀಶರ್ಟ್‌ ಜೊತೆಗೆ ಕಡುನೀಲಿ ಬಣ್ಣದ ಸ್ಕರ್ಟ್‌ ತೊಟ್ಟಿರುವ ಅವರ ಒಂದು ಕೈಯಲ್ಲಿ ರಾಕೆಟ್‌ ಹಿಡಿದುಕೊಂಡಿರುವ ಶ್ರದ್ಧಾ, ಮುಖದಲ್ಲಿ ರೋಷ ಹಾಗೂ ಗೆಲುವು ಎರಡೂ ಇದೆ. 

ಸೈನಾ ಪಾತ್ರಕ್ಕಾಗಿ ಶ್ರದ್ಧಾ ಸಾಕಷ್ಟು ಶ್ರಮ ಪಟ್ಟಿದ್ದಾರೆ. ಇದನ್ನು ನೆನಪಿಸಿಕೊಂಡಿರುವ ಅವರು ‘ನಾನು ಬ್ಯಾಡ್ಮಿಂಟನ್‌ ಆಟವನ್ನು ಪ್ರಾಕ್ಟೀಸ್‌ ಮಾಡಲು ಆರಂಭಿಸಿದಾಗಲೇ ಆ ಕ್ರೀಡೆ ಮೇಲೆ ಪ್ರೀತಿ ಹುಟ್ಟಿಕೊಂಡಿತು. ಅಭ್ಯಾಸ ಸಮಯದಲ್ಲಿ ನನ್ನ ದಿನಚರಿ ಸಂಪೂರ್ಣ ಬದಲಾಗಿತ್ತು. ನಾನು ಆಡದೇ ಇದ್ದಾಗ ಬೇಸರವಾಗುತ್ತಿತ್ತು. ನಾನು ಪ್ರತಿದಿನ ಬೆಳಿಗ್ಗೆ ಎರಡು ಗಂಟೆಗಳ ಕಾಲ ಅಭ್ಯಾಸ ಮಾಡುತ್ತಿದ್ದೆ. ಒಂದು ವೇಳೆ ಕೈ– ಕಾಲಿನಲ್ಲಿ ತುಂಬ ನೋವು ಕಾಣಿಸಿಕೊಂಡಾಗ ಅಭ್ಯಾಸ ತರಗತಿಗೆ ಹೋಗುತ್ತಿರಲಿಲ್ಲ. ಆಗಲೂ ನನಗೆ ಹೋಗಿ ಅಭ್ಯಾಸ ಮಾಡಬೇಕು ಎನಿಸುತ್ತಿತ್ತು’ ಎಂದು ಪಾತ್ರದ ತಯಾರಿ ಬಗ್ಗೆ ಹೇಳಿಕೊಂಡಿದ್ದಾರೆ. 

ಪಾತ್ರಸಿದ್ಧತೆಗಾಗಿ ಸೈನಾ ಅವರಿಂದಲೇ ಶ್ರದ್ಧಾ ಟಿಪ್ಸ್‌ ಪಡೆದುಕೊಂಡಿದ್ದಾರೆ. ‘ಅವರು ತುಂಬ ಚುರುಕು ಹಾಗೂ ಯಾವಾಗಲೂ ಸಹಾಯಕ್ಕೆ ಮುಂದು. ನಾನು ಬ್ಯಾಡ್ಮಿಂಟನ್‌ ಆಡುತ್ತಿರುವ ವಿಡಿಯೊವನ್ನು ಅವರ ಜೊತೆ ಹಂಚಿಕೊಳ್ಳುತ್ತಿದ್ದೆ. ಅವರು ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದರು. ಆಕೆ ನನಗೆ ಪ್ರೇರಣೆ’ ಎಂದು ಸೈನಾ ಬಗ್ಗೆ ಹೊಗಳಿದ್ದಾರೆ. ಇತ್ತೀಚೆಗೆ ಶ್ರದ್ಧಾ, ಸೈನಾ ಅವರ ಹೆತ್ತವರನ್ನು ಭೇಟಿ ಮಾಡಿ, ಸೈನಾ ಜೀವನದ ಬಗ್ಗೆ ಹೆಚ್ಚಿನ ವಿವರವನ್ನು ತಿಳಿದುಕೊಂಡಿದ್ದರು.

ಈ ಚಿತ್ರವನ್ನು ಅಮೊಲ್‌ ಗುಪ್ತಾ ನಿರ್ದೇಶಿಸಿದ್ದಾರೆ. ಚಿತ್ರೀಕರಣ ಸೆಪ್ಟೆಂಬರ್‌ 22ರಿಂದ ಆರಂಭವಾಗಿದೆ.

ಬರಹ ಇಷ್ಟವಾಯಿತೆ?

  • 4

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !