‘ದಬಾಂಗ್ 3’ ಸಿನಿಮಾ ಸೆಟ್ನಿಂದ ಮೊದಲ ಬಾರಿಗೆ ಫೋಟೊವೊಂದನ್ನು ನಟ ಸಲ್ಮಾನ್ ಖಾನ್ ಹಂಚಿಕೊಂಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಹಿಂದೆ ಚಿತ್ರೀಕರಣ ದೃಶ್ಯಗಳು, ಹಾಡಿನ ದೃಶ್ಯಗಳು ಅಭಿಮಾನಿಗಳಿಂದ ಲೀಕ್ ಆಗಿದ್ದವು.
ಈ ಚಿತ್ರದ ಮೂಲಕ ಬಾಲಿವುಡ್ಗೆ ಕಾಲಿಡುತ್ತಿರುವ ಸಾಯಿ ಮಂಜ್ರೇಕರ್ ಅವರ ಜೊತೆಗಿರುವ ಫೋಟೊವನ್ನು ಸಲ್ಮಾನ್ ಹಂಚಿಕೊಂಡಿದ್ದಾರೆ. ಈ ಚಿತ್ರದ ಬಿಡುಗಡೆಗಾಗಿ ಸಲ್ಮಾನ್ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಈ ಚಿತ್ರದಲ್ಲಿ ಸಲ್ಮಾನ್ ಹಾಗೂ ಸಾಯಿ ಜೊತೆಯಾಗಿ ನದಿ ದಂಡೆಯಲ್ಲಿ ನಿಂತಿದ್ದಾರೆ. ಫೋಟೊ ಕೆಳಗೆ ‘ಆನ್ ಲೋಕೆಶನ್... ದಬಾಂಗ್ 3’ ಎಂದು ಸಲ್ಮಾನ್ ಅಡಿಶೀರ್ಷಿಕೆ ಕೊಟ್ಟಿದ್ದಾರೆ.
ಚಿತ್ರದಲ್ಲಿ ಸಲ್ಮಾನ್ ಖಾನ್ ಪ್ರೇಮಿಯಾಗಿ ಸಾಯಿ ನಟಿಸಿದ್ದಾರೆ. ಈ ಚಿತ್ರವನ್ನು ಪ್ರಭುದೇವ ನಿರ್ದೇಶಿಸುತ್ತಿದ್ದಾರೆ. ಇದರಲ್ಲಿ ಅರ್ಬಾಜ್ ಖಾನ್ ಕೂಡ ನಟಿಸಿದ್ದಾರೆ. ಈ ಚಿತ್ರವು ಡಿಸೆಂಬರ್ನಲ್ಲಿ ತೆರೆ ಕಾಣಲಿದೆ.