‘ಓ ಬೇಬಿ’ ಚಿತ್ರದ ಭರ್ಜರಿ ಯಶಸ್ಸಿನ ನಂತರ ನಟಿ ಸಮಂತಾ ಸಂಭಾವನೆ ಹೆಚ್ಚಾಗಿದೆ.
ಈಚೆಗೆ ಈ ನಟಿ ನಟಿಸಿರುವ ‘ಯೂಟರ್ನ್’, ‘ಸೂಪರ್ ಡಿಲಕ್ಸ್’, ‘ಮಜಿಲಿ’ ಚಿತ್ರಗಳು ಒಂದರ ಹಿಂದೆ ಒಂದರಂತೆ ಬಾಕ್ಸ್ ಆಫೀಸಿನಲ್ಲಿ ಯಶಸ್ಸು ಗಳಿಸಿವೆ. ‘ಓ ಬೇಬಿ’ ಸಿನಿಮಾವನ್ನು ಎಲ್ಲಾ ವರ್ಗದ ಪ್ರೇಕ್ಷಕರು ಇಷ್ಟಪಟ್ಟಿದ್ದು, ವಿಶ್ವದಾದ್ಯಂತ ₹50 ಕೋಟಿ ಗಳಿಸಿದೆ.
ಮೂಲಗಳ ಪ್ರಕಾರ ‘ಓ ಬೇಬಿ’ ಸಿನಿಮಾದ ನಂತರ ಸಮಂತಾ ತಮ್ಮ ಸಂಭಾವನೆಯನ್ನು ಭಾರಿ ಹೆಚ್ಚಿಸಿಕೊಂಡಿದ್ದಾರೆ. ಈ ಹಿಂದೆ ₹1 ಕೋಟಿ ಸಂಭಾವನೆ ಪಡೆಯುತ್ತಿದ್ದ ಸಮಂತಾ ಈಚೆಗೆ ಸಹಿ ಮಾಡಿದ ಸಿನಿಮಾಕ್ಕೆ ₹2 ಕೋಟಿ ಸಂಭಾವನೆ ಪಡೆದಿದ್ದಾರಂತೆ.
ದಕ್ಷಿಣ ಭಾರತದ ನಟಿಯರಲ್ಲಿ ಕೋಟಿ ಸಂಭಾವನೆ ಪಡೆಯುವ ನಟಿಯರಲ್ಲಿ ಸಮಂತಾ ಕೂಡ ಒಬ್ಬರು. ಈ ಪಟ್ಟಿಯಲ್ಲಿ ನಯನತಾರಾ ಹೆಸರು ಮೊದಲಿದ್ದು, ಅವರು ₹ 5 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರೆ.
ಸದ್ಯ ಸಮಂತಾ ‘96’ ತೆಲುಗು ರಿಮೇಕ್ನಲ್ಲಿ ನಟಿಸುತ್ತಿದ್ದಾರೆ.