ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸಮಂತಾ ಸೀರೆ ಮೋಡಿ: ಅಭಿಮಾನಿಗಳಿಂದ ಪ್ರೀತಿಯ ಸುರಿಮಳೆ...

Last Updated 11 ಫೆಬ್ರುವರಿ 2020, 12:54 IST
ಅಕ್ಷರ ಗಾತ್ರ

ಭಾರತೀಯ ಪರಂಪರೆ ಮತ್ತು ಸೀರೆಯದು ಬಿಡಿಸಲಾಗದ ನಂಟು. ಇದು ಅಷ್ಟು ಸುಲಭಕ್ಕೆ ಸಡಿಲವಾಗದು. ನಟೀಮಣಿಯರು ಧರಿಸುವ ತರೇಹವಾರಿ ಸೀರೆಗಳು ಸಾಮಾಜಿಕ ಜಾಲತಾಣದಲ್ಲಿ ಬಹುಬೇಗ ಟ್ರೆಂಡ್‌ ಸೃಷ್ಟಿಸುತ್ತವೆ. ಇದಕ್ಕೆ ಹೊಸ ಸೇರ್ಪಡೆ ಟಾಲಿವುಡ್‌ ಬೆಡಗಿ ಸಮಂತಾ ಅಕ್ಕಿನೇನಿ.

ಸಮಂತಾ ಅಭಿಮಾನಿಗಳ ಪಾಲಿಗೆ ಸೌಂದರ್ಯ ದೇವತೆ. ಇತ್ತೀಚೆಗೆ ರಾಜಾ ರವಿವರ್ಮನ ಕಲಾಕೃತಿಯಾಗಿ ಕ್ಯಾಮೆರಾಕ್ಕೆ ಆಕೆ ನೀಡಿದ್ದ ಭಂಗಿ ದೊಡ್ಡಮಟ್ಟದ ಸುದ್ದಿಯಾಗಿತ್ತು. ತೆಲುಗಿನ ‘ಯೇ ಮಾಯಾ ಚೆಸಾವೆ’ ಚಿತ್ರದ ಮೂಲಕ ಬೆಳ್ಳಿತೆರೆ ಪ್ರವೇಶಿಸಿದ ಆಕೆ ಹಲವು ಸೂಪರ್‌ಹಿಟ್‌ ಚಿತ್ರಗಳನ್ನು ನೀಡಿದ್ದಾರೆ.

ಕೋರಿಯನ್‌ ರಿಮೇಕ್ ‘ಓ ಬೇಬಿ’ ಚಿತ್ರದ ಯಶಸ್ಸಿನ ಬಳಿಕ ಆಕೆ ನಟಿಸಿದ ತೆಲುಗಿನ ‘ಜಾನು’ ಚಿತ್ರ ತೆರೆಕಂಡಿದೆ. ಇದು ತಮಿಳಿನ ‘96’ ಸಿನಿಮಾದ ರಿಮೇಕ್. ಇದರ ಪ್ರಚಾರ ಕಾರ್ಯಕ್ರಮಕ್ಕೆ ಹಾಜರಾಗಿದ್ದ ಸಮಂತಾ ಮತ್ತೆ ಸುದ್ದಿಯಾಗಿದ್ದಾರೆ. ಅದು ಆ ಚಿತ್ರದಲ್ಲಿನ ನಟನೆಯಿಂದಲ್ಲ; ಆಕೆ ಧರಿಸಿದ್ದ ಸೀರೆಯಿಂದ!

ತೆಳುವಾದ ಪಿಂಕ್‌ ಸೀರೆಯಲ್ಲಿ ಆಕೆ ವೇದಿಕೆ ಪ್ರವೇಶಿಸಿದಾಗ ಸಭಿಕರು ಫಿದಾ ಆದರಂತೆ. ಅಂದಹಾಗೆ ಈ ಸೀರೆಯನ್ನು ವಿನ್ಯಾಸಗೊಳಿಸಿದ್ದು ಪಿಚ್ಚಿಕಾ ಬ್ರಾಂಡ್‌ನ ವಿನ್ಯಾಸಕಿ ಊರ್ವಶಿ ಸೇಥಿ. ಆ ಸೀರೆಯ ಮೇಲೆ ‘ಜಾನು’ ಎಂದು ಚಿತ್ರದ ಹೆಸರನ್ನು ಬರೆದಿದ್ದು ವಿಶೇಷ.

ಸಮಂತಾಗೆ ಈ ಸೀರೆ ಧರಿಸಲು ಸ್ಫೂರ್ತಿ ಯಾರು? ಎಂದು ಆಕೆಯ ಅಭಿಮಾನಿಗಳು ಪತ್ತೆಗೆ ಇಳಿದರಂತೆ. ಆಕೆಗೆ ಬಾಲಿವುಡ್‌ ನಟಿ ಕರೀನಾ ಕ‍ಪೂರ್‌ ಅವರೇ ಸ್ಫೂರ್ತಿ ಎಂಬ ಉತ್ತರ ಸಿಕ್ಕಿದೆ. ಕಳೆದ ವರ್ಷ ಕರೀನಾ ನಟಿಸಿದ್ದ ಹಿಂದಿಯ ‘ಗುಡ್‌ ನ್ಯೂಜ್‌’ ಚಿತ್ರ ತೆರೆ ಕಂಡಿತ್ತು. ಇದರ ಪ್ರಚಾರ ಕಾರ್ಯಕ್ರಮದಲ್ಲಿ ಕರೀನಾ ಕೂಡ ಇದೇ ಬಣ್ಣದ ಸೀರೆ ಧರಿಸಿದ್ದರು. ಸೀರೆಯ ಮೇಲೆ ಆಕೆಯ ಮುದ್ದಿನ ಹೆಸರು ‘ಬೆಬೊ’ ಎಂದು ಇದ್ದಿದ್ದು ಆಗ ಸುದ್ದಿಯಾಗಿತ್ತು.

ಹೊಸ ಸೀರೆ ಧರಿಸಿರುವ ಫೋಟೊವನ್ನು ಸಮಂತಾ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ತನ್ನ ಪ್ರೀತಿಯ ನಾಯಿಯೊಟ್ಟಿಗೆ ಇರುವ ಮತ್ತೊಂದು ಚಿತ್ರವನ್ನೂ ಪೋಸ್ಟ್‌ ಮಾಡಿದ್ದಾರೆ. ಇದಕ್ಕೆ ಅಭಿಮಾನಿಗಳು ಪ್ರೀತಿಯ ಸುರಿಮಳೆ ಸುರಿಸಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT