ಬೆಂಗಳೂರು: ರಾಘವೇಂದ್ರ ಕುಮಾರ್ ರಚಿಸಿ, ನಿರ್ದೇಶಿಸಿರುವ ಕ್ಯಾಮೆರಾ ಮೂವೀಸ್ ಸಂಸ್ಥೆಯ ಚೊಚ್ಚಲ ಚಿತ್ರ ‘ಚಾಂದಿನಿ ಬಾರ್’ ಟೀಸರ್ ಬಿಡುಗಡೆಯಾಗಿದೆ.
ವೇಶ್ಯೆಯೊಬ್ಬಳ ಜೀವನ ಹೇಗಿರುತ್ತದೆ ಎನ್ನುವ ಕಥಾಹಂದರವನ್ನು ಚಿತ್ರವು ಹೊಂದಿದೆ. ರಾಘವೇಂದ್ರ ಕುಮಾರ್ ಅವರೇ ಇದರಲ್ಲಿ ನಟಿಸಿದ್ದಾರೆ. ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಶೀಘ್ರದಲ್ಲೇ ಚಿತ್ರವು ತೆರೆಯ ಮೇಲೆ ಬರಲಿದೆ. ಬೆಂಗಳೂರು ಹಾಗೂ ಮೈಸೂರಿನ ಸುತ್ತಮುತ್ತ ಚಿತ್ರದ ಚಿತ್ರೀಕರಣ ನಡೆದಿದೆ.
‘ಸುಮ’ ಎಂಬ ಪಾತ್ರದ ಮುಖಾಂತರ ಸುಕೃತಿ ಪ್ರಭಾಕರ್ ನಾಯಕಿಯಾಗಿ ಚಂದನವನಕ್ಕೆ ಕಾಲಿಡುತ್ತಿದ್ದು, ರಂಗಭೂಮಿಯ ಪ್ರಮುಖ ಕಲಾವಿದರ ಬಳಗವೇ ಚಿತ್ರದಲ್ಲಿದೆ. ಚಿತ್ರಕ್ಕೆ ಚೇತನ್ ಶರ್ಮ ಎ. ಛಾಯಾಗ್ರಹಣವಿದ್ದು, ರಾಮ್ ಕ್ರಿಶ್ ಸಂಗೀತ ನೀಡಿದ್ದಾರೆ.