‘ಶ್ಯಾಮ್‌ ಸಿಂಗ ರಾಯ್‌’ ಚಿತ್ರತಂಡವು ರಶ್ಮಿಕಾಗೆ ಸಿನಿಮಾದಲ್ಲಿ ನಟಿಸಲು ಕೋರಿರುವುದು ದಿಟ. ಆದರೆ, ಅದರಲ್ಲಿ ಆಕೆಯ ನಟನೆಗೆ ಹೆಚ್ಚಿನ ಅವಕಾಶವಿಲ್ಲವಂತೆ. ಮೂವರು ನಾಯಕಿಯರು ಇರುವ ಈ ಚಿತ್ರದಲ್ಲಿ ನಟಿಸಿದರೆ ತನ್ನ ಪಾತ್ರ ಪ್ರೇಕ್ಷಕರನ್ನು ಸೆಳೆಯುವುದಿಲ್ಲ ಎನ್ನುವುದು ಆಕೆಯ ಲೆಕ್ಕಾಚಾರ. ಜೊತೆಗೆ, ಸಾಯಿಪಲ್ಲವಿ ತನ್ನ ಅದ್ಭುತ ನಟನೆ ಮತ್ತು ಡಾನ್ಸ್‌ ಮೂಲಕ ಇಡೀ ಸಿನಿಮಾವನ್ನು ಆವರಿಸುವ ಸಾಧ್ಯತೆಯಿದೆ. ಇದರಿಂದ ಉಳಿದ ನಾಯಕಿಯರ ಪಾತ್ರಗಳಿಗೆ ಅಷ್ಟೊಂದು ಪ್ರಾಧಾನ್ಯ ಸಿಗುವುದಿಲ್ಲ. ಹಾಗಾಗಿಯೇ, ರಶ್ಮಿಕಾ ಈ ಸಿನಿಮಾವನ್ನು ತಿರಸ್ಕರಿಸಿದ್ದಾರೆ ಎಂಬುದು ಸಾಯಿಪಲ್ಲವಿ ಅಭಿಮಾನಿಗಳ ಲೆಕ್ಕಾಚಾರ.
