ಮುಂಬೈ: ಆರೋಗ್ಯ, ಡಯಟ್, ಫಿಟ್ನೆಸ್ ಕುರಿತ ವಿಡಿಯೊ ಅಥವಾ ಫೋಟೊಗಳನ್ನು ಬಾಲಿವುಡ್ ನಟಿ ಸುಶ್ಮಿತಾ ಸೇನ್ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವುದು ಎಲ್ಲರಿಗೂ ಗೊತ್ತಿರುವ ವಿಚಾರ.
ದೈಹಿಕ ಹಾಗೂ ಮಾನಸಿಕ ಆರೋಗ್ಯದ ಬಗ್ಗೆ ಅಪಾರ ಕಾಳಜಿ ಹೊಂದಿರುವ ಮಾಜಿ ಭುವನ ಸುಂದರಿ ತಮ್ಮ ಅಭಿಮಾನಿಗಳಿಗೆ ಸಲಹೆಗಳನ್ನು ನೀಡುತ್ತಾರೆ. ಇದಕ್ಕೆ ಉದಾಹರಣೆಯಾಗಿ ಅವರು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿರುವ ಪೋಸ್ಟ್ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ವಿಶಾಲವಾದ ಕೋಣೆಯಲ್ಲಿ ಧ್ಯಾನಸ್ಥರಾಗಿ ಕುಳಿತಿರುವ ಫೋಟೊವನ್ನು ಸುಶ್ಮಿತಾ ಹಂಚಿಕೊಂಡಿದ್ದಾರೆ. ಅದರೊಂದಿಗೆ ಸ್ವಯಂಪ್ರೀತಿ ಮತ್ತು ಸ್ವಯಂಆರೈಕೆಯ ಬಗ್ಗೆ ಬರೆದುಕೊಂಡಿದ್ದಾರೆ.
'ನಾವು ಲಘುವಾಗಿ ಪರಿಗಣಿಸುವ ಎಲ್ಲರಿಗೂ ಧನ್ಯವಾದ ಹೇಳಲು ಸ್ವಲ್ಪ ಸಮಯ ಮೀಸಲಿಡುತ್ತೇವೆ. ಆ ಸಮಯವೇ ನನ್ನ ಧ್ಯಾನದ ವ್ಯಾಖ್ಯಾನವಾಗಿದೆ' ಎಂದು ಸೇನ್ ಹೇಳಿದ್ದಾರೆ.
'ಪ್ರಜ್ಞಾಪೂರ್ವಕವಾಗಿ ಜೀವಿಸುವುದೇ ಒಂದು ಉಡುಗೊರೆಯಾಗಿದೆ. ಇದನ್ನು ನಿಮಗೆ ಮಾತ್ರ ನೀವು ನೀಡಿಕೊಳ್ಳಬಹುದು. ಸ್ವಯಂ ಪ್ರೀತಿ ಮತ್ತು ಸ್ವಯಂ ಆರೈಕೆಯ ಪವಾಡ ಈ ಉಡುಗೊರೆಯಲ್ಲಿದೆ' ಎಂದು ಸುಶ್ಮಿತಾ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.