ಈ ಚಿತ್ರದಲ್ಲಿ ಹಿರಿಯ ನಟಿ ಜಯಪ್ರದಾ ಅವರೂ ಮುಖ್ಯ ಪಾತ್ರವೊಂದನ್ನು ನಿಭಾಯಿಸಿದ್ದಾರೆ. ಅಂದಹಾಗೆ, ‘ಸುವರ್ಣ ಸುಂದರಿ’ ಎನ್ನುವುದು ಮೂರು ಕಣ್ಣುಗಳಿರುವ ಒಂದು ಗೊಂಬೆ. ಚಿತ್ರದ ಕಥೆ ಸಂಪೂರ್ಣ ಕಾಲ್ಪನಿಕ. ಕಾಲಖಲ್ ಎನ್ನುವ ಸಾಮ್ರಾಜ್ಯದಲ್ಲಿ ಕಥೆ ಆರಂಭ ಪಡೆಯುತ್ತದೆ. ನಟ ಸಾಯಿಕುಮಾರ್ ಅವರು ಪೊಲೀಸ್ ಅಧಿಕಾರಿಯ ಗೆಟಪ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ‘ಚಿತ್ರ ತಂಡದ ಶೇಕಡ 80ರಷ್ಟು ಜನ ಕನ್ನಡಿಗರು’ ಎನ್ನುವುದು ಸಿನಿತಂಡದ ಹೇಳಿಕೆ. ಮೊದಲು ಕನ್ನಡದಲ್ಲಿ ಚಿತ್ರ ಬಿಡುಗಡೆ ಆಗುತ್ತದೆ. ನಂತರ ತೆಲುಗಿನಲ್ಲಿ ಕೂಡ ಬಿಡುಗಡೆ ಆಗಲಿದೆ.