ಬಾಹುಬಲಿ ನಟಿ ತಮನ್ನಾಳಿಗೆ ಲಕ್ಕಿ ಪಿಲ್ಲೊ!

ಈಗ ಪಿಲ್ಲೊ ಚಾಲೆಂಜ್‌ ಸ್ವೀಕರಿಸಿರುವುದು ‘ಮಿಲ್ಕಿ ಬ್ಯೂಟಿ’ ತಮನ್ನಾ ಭಾಟಿಯಾ. ಬಿಳಿಬಣ್ಣದ ದಿಂಬು ಹಾಗೂ ಅದರ ಮೇಲೆ ಕಪ್ಪುಬಣ್ಣದ ಗೌಸಿ ಬೆಲ್ಟ್‌ ಧರಿಸಿ ತೆಗೆಸಿಕೊಂಡಿರುವ ಫೋಟೊವನ್ನು ಅವರು ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಪಿಲ್ಲೊ ಚಾಲೆಂಜ್‌ ಎಂದರೆ ತಲೆದಿಂಬನ್ನು ಬೆಲ್ಟ್ ಮೂಲಕ ಮೈಗೆ ಕಟ್ಟಿಕೊಂಡು ಡ್ರೆಸ್‌ನಂತೆ ಮಾಡಿಕೊಳ್ಳುವುದು. ಇದೀಗ ವೈರಲ್ ಆಗಿರುವ ಈ ಟ್ರೆಂಡ್ ಅನ್ನು ಹಲವು ನಟಿಯರು ಸ್ವೀಕರಿಸಿ ತಮ್ಮ ಫೋಟೊ ಹಾಗೂ ವಿಡಿಯೊಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ತಲೆದಿಂಬು, ಬೆಲ್ಟ್‌ ಹಾಗೂ ಕೆಂಪುಬಣ್ಣದ ಹೀಲ್ಡ್ ಚಪ್ಪಲಿ ಧರಿಸಿ ಮನೆಯ ಹಾಲ್‌ವೊಂದರಲ್ಲಿ ಮಲಗಿರುವ ತಮನ್ನಾ ಚಿತ್ರಕ್ಕೆ ಮಾದಕ ಪೋಸ್‌ ನೀಡಿದ್ದಾರೆ. ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದು ಅಭಿಮಾನಿಗಳು ತರೇಹವಾರಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ‘ಸೋ ಹಾಟ್‌, ಲಕ್ಕಿ ಪಿಲ್ಲೊ’ ಎಂದು ಕಾಮೆಂಟ್ ಕೂಡ ಮಾಡಿದ್ದಾರೆ.